बाँके भदौ १० गते ।
नेपालगन्ज उपमहानगरभित्र चोरीका घटना बढ्न थालेको छ । दैनिकरुपमा नगरभित्र चोरीका घटना बढन थालेपछि नागरिक असुरक्षित महशुस गर्न थालेका छन् ।
नेपालगन्ज उपमहानगरपालिका वडा न.६ फुल्टेक्रा गाउँदेखि बसपार्क जाने बाटोमा चोरिका घटना बढे पनि प्रहरी भने मुकदर्शक बनेको छ । फुल्टेक्रासंगै जोडिएको वडा प्रहरीको कार्यालय छ । बसपार्कमा प्रहरीको स्थायी पोस्ट छ । तर त्यहीँ क्षेत्रमा दैनिकरुपमा चोरी हुन थालेपछि नागरिकहरु असुरक्षित महशुस गर्न थालेका हुन ।
साउन महिना देखि सुरु भएको चोरी आज सम्म ७ वटा मोटर सहित धारा र साइकल चोरी भएको स्थानीयहरु बताउंछ्न । शुक्रबार राती करिब १२ बजेको समयमा एउटा घुम्तीलाई चोरी गर्ने उद्देश्यले तोडफोड गरेको स्थानीय बताउँछन । बसपार्क अस्थायी प्रहरी पोस्ट हुँदा हुँदै यो एरियामा चोरी घटना बढेको भन्दै स्थानीय सपना पौडेलले आक्रोस पोखिन् । यसरी चोरीका घटना बढेपछि प्रहरीले गस्ती बढाउनु पर्ने स्थानीयले माग गरेका छन्।
वडा प्रहरीको मोबाइल गस्ती गाडी समेत यो एरियामा न आएको स्थानीय बताउँछन् । सुरक्षा निकाय बाट स्थानियहरुको बिश्वास गुम्दै गएको छ । गस्ती गाडी नाका छेउमा जाने तर आफ्नै कार्यालय आसपासमा भने नदेखिने गरेको स्थानीय बताउँछन् ।
Discussion about this post