सल्यान असोज १३ गते ।
सल्यानमा जीप दुर्घटना हुँदा दुई जनाको ज्यान गएको छ । दुर्घटनामा अन्य १३ जना घाइते भएका छन् । जीप दुर्घटनामा शारदा–१२ तिमिलेकी ७६ वर्षीया धुर्बी बोहरा र शारदा–१५ बरलाकी ४५ वर्षीया मुना सेजवालको ज्यान गएको जिल्ला प्रहरी कार्यालय सल्यानले जनाएको छ ।
आज शुक्रवार छत्रेश्वरी गाउँपालिका–५ लेखपोखरबाट शारदा नगरपालिका–१२ कागखोला जाँदै गरेको लु १ ज १८६१ नम्बरको जीप छत्रेश्वरी–५ तिर्पोलेमा दुर्घटना भएको हो ।घाइतेहरूलाई उपचारका लागि श्रीनगर पठाइएको प्रहरी कार्यालय सल्यानका सूचना अधिकारी गोपाल श्रेष्ठले जानकारी दिनुभयो ।
जीप सडकबाट तल खसेको थियो । दुर्घटनाबारे थप विवरण आउन बाँकी छ ।
ADVERTISEMENT
Discussion about this post