बाँके मंसिर १० गते ।
नेपालगन्जको धम्बोझी चोकमा भएको सवारी दुर्घटनामा नेपालगन्ज उपमहानगरपालिका १७ की १७ वर्षीया सालिनी पाठकको मृत्यु भएको छ ।
धम्बोझी चोकबाट सेतु बिक चोकतर्फ जाने जेब्रा क्रसिङमा रहेकी पाठकलाई ट्याङ्करको ठक्करले ठक्कर दिएको थियो ।
प्रहरीका अनुसार पूर्वबाट पश्चिम तर्फ जाँदै गरेको ना ३ ख ८८५२ नम्बरको ट्याङ्करले सोही दिशाबाट आउँदै गरेको भे ११ प ७६५७ नम्बरको मोटरसाइकललाई ठक्कर दिँदा मोटरसाइकलमा सवार पाठकको मृत्यु भएको बाँके प्रहरीले जनाएको छ ।
ठक्करबाट पाठकका बुवा दिलिपकुमार पाठक घाइते भएको जिल्ला ट्राफिक कार्यालय बाँकेका प्रमुख प्रहरी निरीक्षक गोपीकृष्ण सुबेदीले जानकारी दिए ।
ठक्कर लगत्तै उपचारका लागि अस्पताल पुर्याइए पनि उनलाई चिकित्सकले मृत घोषणा गरेको उनले बताए ।
दुर्घटनाबारे अनुसन्धान सुरु गरिएको प्रहरीले जनाएको छ ।
ADVERTISEMENT
Discussion about this post