सन् २०२३ मा तीन सय ७८ बालबालिका र महिला बेपत्ता

बाँके पुस १५ गते ।
खोजतलास तथा उद्धारका लागि निवेदन दिएका मध्ये अहिलेसम्म तीन सय ८४ जना सम्पर्क बाहिर रहेका छन् । सन् २०२३ मा खोजतलास तथा उद्धारका लागि ६ सय ६२ वटा निवेदन आएकोमा दुई सय ७८ जनामात्र फेला परेको माइती नेपाल नेपालगन्जका प्रमुख केशव कोइरालाले जानकारी दिए ।

लुम्विनी र कर्णालीका जिल्ला मध्ये बाँके मानव वेचविखनको उच्च जोखिममा रहेको उनले बताए । उनका अनुसार बाँकेमा खोजतलासका लागि एक सय ४२ वटा निवेदन आएको थियो । त्यसैगरी, बर्दियाबाट ८०, सुर्खेतवाट ८२, दैलेख ६०, जाजरकोट ६८, दाङबाट ५६ र सल्यानबाट ४२ वटा खोजतलासको निवेदन दर्ता भएको उनले जानकारी दिए ।

पछिल्लो समय ब्राह्मण र क्षेत्री मानव वेचविखनको उच्च जोखिममा रहेको माइती नेपाल नेपालगन्जको तथ्यांकमा उल्लेख छ । खोजतलासका लागि निवेदन आएको मध्ये तीन सय २७ जना ब्राह्मण, क्षेत्री रहेको बताउँदै कार्यालय प्रमुख कोइरालाले दोस्रो स्थानमा दलित रहेको बताए । उनका अनुसार, दलित समुदायका दुई सय १२, जनजातिका ९६, र आदिवासी समुदायका २७ जना हराएको भन्दै खोजतलासका लागि निवेदन आएको बताए ।

उनले मानव वेचविखनको स्वरुप परिवर्तन भएको बताए । ‘पहिले वेश्याबृत्तिमा लगाउनका लागि महिला तथा बालिका वेचविखन हुने गथ्र्यो । अहिले स्वरुप परिवर्तन भएर श्रम शोषण, स्पा, होटल, क्यासिनो र रेष्टुरेन्टमा लगेर विक्रि गर्ने क्रम बढेको छ,’ उनले भने ।
उनले सामाजिक संजाल फेसबुक, ह्वाट्स एप, भाइवर, इमो हुँदै फ्रि फायर गेम प्रयोग भएको खुलासा गरे । ‘पछिल्लो समय मानव वेचविखनमा प्रयोग हुने सामाजिक संजाल फेरिएको छ ।