बाँके फागुन १३ गते ।
नेपालगन्जस्थित सशस्त्र प्रहरी बल नेपाल नं. ३० गण बागेश्वरीमा कार्यरत सशस्त्र प्रहरी सहायक निरीक्षक सोमराज शर्मा सशस्त्र प्रहरी बल लुम्विनी प्रदेशको कार्यालयमा तानिएका छन् । बागेश्वरी गणमा रहेका बेला उनी घुमुवाको रुपमा खटिएका थिए ।
घुमुवाको रुपमा काम गर्दा उनले तस्करहरुसँग मोटो रकम असुली गरि तस्करी गराएको पुष्टि भएपछि सशस्त्र प्रहरी बलले उनलाई प्रदेश प्रहरी कार्यालयमा तानेको हो । उनी लामो समयदेखि बागेश्वरी गणमा कार्यरत थिए ।
शर्माले गणका गणपति एसपीलाई प्रभावमा पारेर घुमुवाको रुपमा लामो समय काम गरेकाले तस्करहरुसँग राम्रो सम्बन्ध बनाएर तस्करसँग मोटो रकमको बार्गेनिङ गर्दै आएका थिए । तस्करसँग हाकीहाकी रकम माग्ने उनी घर खर्चका लागि ल्याउने नेपालीलाई दुख दिँदै आएका थिए ।
मुख्य नाकामा कडाई गर्न लगाएर उनले सहायक नाकाबाट मालसामान ओसारपसार गर्न तस्कारलाई सघाउँदै आएका थिए । तस्करसँग मिलेर तस्करी गराएको फोटोसहित समाचार आउँदा समेत तत्कालिन गणपति एसपीले उनीमाथि हात राखेकोले उनी घुमुवामा कायमै थिए । गणपति फेरिएसँगै सशस्त्र प्रहरी बलले उनलाई लुम्विनी प्रदेश कार्यालयमा तानेको स्रोत बताउँछ ।
एसपीको छत्रछायाँमा सशस्त्रका घुमुवा शर्मा र सुनारको राज, नागरिकलाई सास्ती, तस्करलाई मस्ती
Discussion about this post