बाँके चैत १ गते ।
बाँकेमा सुर्तीजन्य पदार्थको बिक्री र सेवन जताततै खुला रूपमा भइरहेको जनाउँदै सो विरुद्ध विशेष अभियान सञ्चालन गर्न माग गर्दै प्रमुख जिल्ला अधिकारीलाई ज्ञापनपत्र बुझाइएको छ ।
सुशासनको क्षेत्रमा काम गर्दै आएको संस्था बागेश्वरी असल शासन क्लब बासले बाँकेका प्रमुख जिल्ला अधिकारी श्रवण कुमार पोख्रेललाई सुर्तीजन्य पदार्थ विरुद्ध विशेष अभियान सञ्चालन गर्न माग गर्दे ज्ञापन पत्र बुझाएको हो ।
सुर्तीजन्य पदार्थको प्रयोगलाई नियन्त्रण गरी सर्वसाधारण जनताको स्वास्थ्य, सुविधा र आर्थिक हितको अभिवृद्धि गर्न तथा सुर्तीजन्य पदार्थको आयात, उत्पादन, बिक्री वितरण तथा सेवन गर्ने कार्यलाई न्यूनीकरण, नियन्त्रण तथा नियमन गर्नका लागि बनाइएको ऐन र कानुनको कार्यान्वयन गरेर अभियान चलाउन ज्ञापन पत्र मार्फत माग गरिएको बासका कार्यकारी निर्देशक नमस्कार शाहले बताए ।
उनले प्रजिअलाई बुझाइएको ज्ञापन पत्रमा कानुन अनुसार कसैले पनि सार्वजनिक स्थलमा धूम्रपान तथा सुर्ती सेवन गर्न नपाइने, सार्वजनिक स्थलको आवश्यकता अनुसार विभिन्न ठाउँमा धूम्रपान तथा सुर्ती सेवन गर्न नपाउने ब्यहोराको सूचना टाँस गर्नुपर्ने र नमान्नेलाई जरिवाना समेत गर्ने उल्लेख भएकोले सो कार्यान्वयन गर्न माग गरिएको बताए ।
Discussion about this post