बाँके चैत ११ गते ।
सद्भाव साटासाट अनि रङ्गहरुको पर्व होलीको पुर्वसन्ध्यामा नेपालगन्जको त्रिभुवन चोक, घरबारि टोल , बागेश्वरी मन्दिर परिसर आकर्षक रुपमा सजिएको छ ।
व्यापार खासै नभए पनि व्यापार हुने आसमा होलिको लागि चाहिने सामानको स्टल सडकभरि राखेको बताउनुहुन्छ व्यवसायी असिम सिद्दिकि । नेपालगन्जमा होलीका लागि विभिन्न रंगिविरंगी रङ, बेलुन, पिचकारी तथा टीसर्टले चौकको सौन्दर्यता बढाएको छ ।
नेपालगन्जमा खासगरी १२ गते होली मनाउने भए पनि मिश्रित समुदायको बसोबास रहेकाले ११ गते र १२ गते दुई दिन मनाउने होलीको तयारी थालिएको हो । हिन्दु धर्मावलम्बीले मनाउने हरेक चाडपर्वको अवसरमा सजिने नेपालगन्जको मुटु त्रिभुवनचोक, धम्बोजि चोक घरबारि टोल र बागेश्वरी मन्दिर परिसर होली पर्वको अवसर पारेर होलीको अघिल्लो दिनदेखि नै झकिझकाउ छ।
सद्भावको शहर नेपालगन्जमा हिन्दु मुस्लिम दुबै मिलेर हरेक चाडपर्व एक आपसमा शुभकामना आदानप्रदान र मायाप्रेम साटासाट गर्दै मनाउदै आएका छन् । बजार झकिझकाउ भएतापनि खुल्ला सिमानाका कारण १ सय २ सयका सामान किन्न पनि रुपैडिया बजार जाने हुँदा व्यावसाय नभएको व्यापारिको गुनासो रहेको छ।
Discussion about this post