बाँके वैशाख १ गते ।
विक्रम संवत् नयाँ वर्षको पहिलो दिन वैशाख १ गते नेपालगन्जमा नेपाली राष्ट्रिय झण्डा महोत्सव आयोजना गरी ११औँ राष्ट्रिय झण्डा दिवस मनाइएको छ।
नेपालगन्जको बीपी चोकमा भेला भएका अगुवा तथा स्थानीय बासिन्दाले संयुक्त रूपमा उक्त महोत्सव मनाएका हुन्। कार्यक्रममा सहभागीहरूले राष्ट्रिय झण्डासहित उपस्थित भई वैशाख १ गते नेपालीका लागि उत्सवको दिन भएको उल्लेख गरेका छन्।
नेपालगन्ज उपमहानगरपालिकाकी पूर्व उपप्रमुख उमा थापा मगरले विक्रम संवत् नेपालको मौलिक पहिचान भएको बताउँदै यसै दिन राष्ट्रिय झण्डा दिवस मनाउनु गौरवको विषय भएको धारणा व्यक्त गरिन्। उनले नागरिकहरू स्वतःस्फूर्त रूपमा सडकमा आएर झण्डा दिवस मनाउनु राष्ट्रिय भावनाको प्रतीक भएको बताइन्।
उक्त कार्यक्रम ‘बास नेपाल’ र ‘अन्तराल’को संयुक्त आयोजनामा सम्पन्न भएको हो। नेपालगन्जमा हरेक वर्ष राष्ट्रिय झण्डा दिवस मनाउने परम्परा रहेको छ।
अन्तरालका प्रमुख कार्यकारी जय नारायण शाहले राष्ट्रिय झण्डाले नेपालीहरूलाई एकताको सूत्रमा बाँध्ने उल्लेख गर्दै नयाँ वर्षको पहिलो दिन देशको ध्वजाप्रति सम्मान व्यक्त गर्न यो महोत्सव मनाउन थालिएको जानकारी दिए।
Discussion about this post