बाँके भदौ १ गते ।
बाँकेको खजुरा गाउँपालिकाले ‘एक वडा एक गौरब’का आयोजना सञ्चालन गर्ने भएकोछ । गाउँपालिकाले पालिकामा सञ्चालन हुने टुक्रे योजनालाई हटाउँदै एक वडा एक गौरबको योजना अघि बढाएको हो ।
विकास निर्माणका योजना प्रभावकारी बन्न नसक्नुको प्रमुख कारण मानिएको टुक्रे योजनालाई हटाउँदै पालिकाको बृहत्तर हितका लागि यस्तो योजना सञ्चालन गरिन लागिएको छ । यसका लागि गाउँपालिकाले आर्थिक वर्षमा २०८१÷०८२ मा पालिकाका सबै वडामा कम्तीमा एक करोड रुपैयाँ बजेटको एउटा गौरवको योजना सञ्चालन गर्ने प्रक्रिया अघि बढाएको हो ।
‘एक वडा एक गौरब’को योजना अनुसार खजुरा गाउँपालिका वडा नम्बर–१ मा वडा कार्यालय निर्माण, वडा नम्बर–२ मा बहुउद्देशीय सभाहल, वडा नम्बर–५ मा सभाहल निर्माण गरिनेछ । त्यसैगरी खजुरा गाउँपालिकाको वडा नम्बर ३,४,६,७ र ८ मा सडक निर्माण गरिने खजुरा गाउँपालिकाका प्रमुख प्रशासकीय अधिकृत बस बहादुर रानाले जानकारी दिए ।
विकास निर्माण योजना प्रभावकारी बन्न नसक्नुको प्रमुख कारण मानिएको टुक्रे योजनालाई हटाउँदै यही आर्थिक वर्ष २०८१–८२ को लागि ‘एक वडा एक गौरबका योजना’ सञ्चालन गर्ने गरि वडास्तरमा योजना तर्जुमा गरिएको गाउँपालिकाकी उपाध्यक्ष मञ्जु मल्लले जानकारी दिइन् ।
Discussion about this post