बाँके जेठ २५ गते ।
मुस्ताक अन्सारी नेपालगन्जबासी हुन् । उनी राजनीतिमा सक्रिय छन् नै त्योभन्दा बढ्ता समाजसेवामा तल्लिन छन् । गरिव, दुःखी र असहायको दुखमा मल्हम लगाउने उनको अधिकांश समय सामाजिक कार्यमा वित्छ ।
सामान्य परिवारका उनी अरुको पीडा बुभ्mछन् नै पीडामा रहेकाहरुलाई आफूले सकेको आर्थिक र भौतिक सहयोग गर्छन् । त्यसैले त उनले नेपालगन्जबासीबाट समाजसेवीको तक्मा पाएका छन् ।
अन्सारी समाजसेवा जस्तै खेलकुदको विकासमा पनि रुची राख्छन् । उनको खेलमा लगाव छ नै खेलकुदको विकासमा पनि लगानी गर्न हिच्किचाउँदैनन् । उनले खेलकुदको विकासका लागि खेलाडीलाई प्रोत्साहन गर्न खेलकुदका सामग्री वितरण गर्दै आएका छन् ।
नेकपा (एमाले) को भ्रातृ संगठन नेपाल मुस्लिम इत्तेहाद संगठनका केन्द्रिय सदस्य समेत रहेका अन्सारीले खेलाडीलाई प्रोत्साहन गर्न स्पोटर््स साइकल हस्तान्तरण गरेका छन् । नेपालगन्जको बसपार्कस्थित खुल्ला मैदानमा भएको ‘सुनर नेपालगन्ज खुल्ला रात्रिकालिन क्रिकेट प्रतियोगिता २०८२’ मा सहभागी उत्कृष्ट खेलाडी सुनिल भण्डारीलाई साइकल प्रदान गरेका हुन् । ‘समाजसेवा मेरो प्राथमिकता हो भने खेलकुद मेरो दोस्रो प्राथमिकतामा पर्दछ,’ उनले भने, ‘खेलकुदले मानिसलाई अनुशासित र स्वस्थ बनाउँछ नै यसले आर्थिक उपार्जनमा समेत टेवा पुर्याउँछ ।’
क्रिकेट मैदान नहुँदा नेपालगन्जमा त्रिीकेट खेल ओझेलमा परेको बताउँदै उनले क्रिकेट खेलाडीको हौसला बढाउन र प्रोत्साहन गर्न खेलाडीलाई साइकल प्रदान गरेको बताए । उनले भने, ‘खेल क्षेत्रमा निरन्तर लागेका खेलाडीलाई प्रोत्साहन गर्न आवश्यक देखेर साइकल प्रदान गरेँ । मेरो सानो सहयोगले खेलाडीलाई प्रोत्साहन मिल्ने मैले विश्वास लिएको छु,’ अन्सारीले भने, साइकल प्रदान गर्न पाएकोमा गौरव महशुस भएको छ ।’
खेलकुदको माध्यमबाट स्वस्थ समाज निर्माण गर्न सकिने बताउँदै उनले खेल र खेलाडीको स्तरवृद्धि गर्न खेलाडीलाई साइकल सहयोग गरेको उनले बताए ।
असहायको सेवामा तल्लिन उनले विभिन्न समयमा गरिव, दुखीलाई आर्थिक सहयोग गर्दै आएका छन् । कोरोना महामारीले रोजगारी गुमाएका मजदुर, विद्यार्थी तथा बृद्धाबृद्धालाई उनले खाद्यन्न सहयोग गरेका थिए । उनले भने, ‘गरिव, दुखीलाई आगामी दिनमा पनि सहयोग गरिरहने मेरो योजना छ ।’
उनले सुनर नेपालगन्ज खुल्ला रात्रिकालिन क्रिकेट प्रतियोगितामा आर्थिक अवस्था कमजोर भएका खेलाडीलाई आर्थिक सहयोग गरेका उनले सामाजिक कार्यमा लाग्न पाएकोमा खुसी ब्यक्त गर्छन् ।
Discussion about this post