बाँके असार २ गते ।
बाँके प्रहरीले जेठ महिनामा ४७ जना फरार अपराधीलाई पक्राउ गरि कानूनी दायरामा ल्याएको छ । अदालतबाट कैद तथा आर्थिक जरिवाना भई फरार रहेका ब्यक्तिलाई पक्राउ गरि अदालतमा पेश गरिएको बाँके प्रहरी प्रमुख एसपी रामप्रसाद घर्तीमगरले अनलाइन खोजखवरलाई जानकारी दिए ।
उनले पक्राउ परेका फरार अपराधीबाट एक करोड आठ लाख ८४ हजार २५५ रुपैयाँ राजस्व संकलन भएको बताए । फरार ब्यक्तिलाई पक्राउ गरि कानूनी दायरामा ल्याउने सरकारको नीति अनुसार लुकेर बसेका अपराधीलाई पक्राउ गरि अदालतमा बुझाएका छौँ,’ एसपी घर्तीमगरले भने ।
उनले जेठ महिनामा ५२ लाख ३७ हजार ८८२ रुपैयाँ बराबरको भन्सार छलीको अबैध सामान सहित ४ वटा मोटरसाइकल, एक ई–रिक्सा र एउटा कार नियन्त्रणमा लिएर आवश्यक कारवाहीका लागि सम्बन्धित निकायलाई बुझाएको बताए ।
बाँके प्रहरीले ट्राफिक नियम उलंघन गर्ने ३ हजार १७५ वटा सवारी साधनालाई कारवाही गरी २५ लाख १२ हजार ५ सय रुपैयाँ राजस्व संकलन गरेको छ ।
एक महिनाको अवधिमा एक सय १ वटा मुद्धा दर्ता भएकोमा उजुरी परेका एक सय ७ जनालाई पक्राउ गरी कानूनी दायरामा ल्याइएको एसपी घर्तीमगरले जानकारी दिए । उनले भने, ‘४७ जना फरार अपराधीलाई पक्राउ गरि ५ वर्ष ३ महिना कैद असुल उपर गरिएको छ,’ उनले भने ।
बाँके प्रहरी समक्ष ६ सय १९ वटा ठाडो उजुरी परेकोमा चार सय ४२ वटा फछ्यौट भएको उनले बताए ।
लागु औषध दुब्र्यसन र ओसारपसारका विरुद्ध कडा रुपमा प्रस्तुत भएको बाँके प्रहरीले ७ सय ३८ ग्राम ४७४ मिलिग्राम ब्राउनसुगर, तीन सय मिलि लिटर कोरेक्स, एक सय ११ किलो गाँजा, तीन हजार सात ६० मिलिग्राम चरेश, ५० ट्याब्लेट ट्रामाडोल र ७० ट्याब्लेट नाइट्रोजेपामसहित ओसारपसार तथा सेवन गर्ने ३४ जनालाई पक्राउ गरिएको उनले जानकारी दिए ।
महिला तथा बालबालिका सम्बन्धि १० वटा मुद्धा दर्ता भएकोमा ९ जनालाई पक्राउ गरी कानूनी दायरामा ल्याइएको उनले बताए । उनले घरेलु हिंसा सम्बन्धि ५३ वटा उजुरी परेको बताउँदै ४१ वटा उजुरी फछ्यौट भएको जानकारी दिए । ‘महिला तथा बालबालिका र जेष्ठ नागरिक गरि ६१ जना हराएको निवेदन प्राप्त भएको थियो । ति मध्ये ४१ जनालाई फेला पारी
सम्बन्धित परिवारको जिम्मा लगाइएको छ,’ उनले भने ।
Discussion about this post