बाँके असार ३२ गते ।
सडक दुर्घटना न्यूनीकरण गर्न ट्राफिक प्रहरी पोष्ट नेपालगञ्जले सचेतना अभियान सुरु गरेको छ । ट्राफिक नियमको उचित जानकारी नहुँदा सडक दुर्घटना भएको भन्दै ट्राफिक प्रहारीले नेपालगञ्ज बिपी चोकबाट सचेतना अभियान थालेको बरिष्ठ ट्राफिक प्रहरी नायब निरीक्षक नन्दकुमार पोखरेलले बताए ।
पहिलो दिन अटो रिक्सा चालकलाई सडक लेन र पालना गर्नु पर्ने नियमको बारेमा जानकारी दिइएको उनले बताए । ’नेपालगञ्जमा भएका दुर्घटनामा सबै भन्दा बढी अटो रिक्साका कारण भएको देखियो,’ उनले भने, ’पहिलो दिन अटो रिक्सालाई ट्राफिक नियमको बारेमा जानकारी गराइएको छ ।’ प्ले कार्ड सहित पैदल यात्रीलाई पनि ट्राफिक नियमको जानकारी दिइएको छ। ’पैदल यात्रीलाई जेब्राक्रसबाट सडक वारपार गर्न र सडक पेटीमा हिड्न सिकाएका छौ,’ उनले भने ।
उनले अभियानलाई क्रमशः नेपालगञ्जको अन्य चोक र सडकमा पनि संचालन गरिने बताए । उनले भने, ’अटो रिक्सा पछि अव बस, कार, जिप चालकलाई ट्राफिक नियमको बारेमा जानकारी गराउने उनको भनाई छ । ’बिस्तारै सबै ठाउँ र गाडी चालकलाई ट्राफिक नियमको बारेमा जानकारी गराउँछौ,’ उनले भने ।
ट्राफिक सचेतना अभियान बाँकेभर संचालन गरिने बाँकेका ट्राफिक प्रहरी प्रमुख प्रहरी निरीक्षक पुस्करराज पन्तले बताए । उनले भने, ’दुर्घटना न्युनीकरण गर्ने सचेतना अभियानको मुख्य उद्यश्य हो ।’
भिडियो पनि हेर्नुहोस्
Discussion about this post