बाँके फागुन ३० गते ।
नेपालगन्जमा केही दिनयता खाना पकाउने ग्यास अभाव भएको भन्दै सर्वसाधारणले गुनासो गर्न थालेका छन् । स्थानीय उपभोक्ताहरूका अनुसार ग्यास लिन पसलमा जाँदा “एक–दुई दिन कुर्नुहोस्” भन्दै फर्काइने गरेको अवस्था देखिएको छ।
ग्यासको नियमित आपूर्ति नहुँदा दैनिक जीवनमा समस्या भएको उपभोक्ताहरूको भनाइ छ । विशेष गरी घरायसी प्रयोजनका लागि प्रयोग हुने एलपी ग्यास नपाउँदा सर्वसाधारण मारमा परेका छन्।
स्थानीयले ग्यास आपूर्ति व्यवस्थामा समस्या आएको हो वा कृत्रिम अभाव सिर्जना गरिएको हो भन्ने विषयमा प्रशासनले तत्काल अनुगमन गर्नुपर्ने माग गरेका छन्। ग्यास सप्लायर्स र डिलरको भण्डारण तथा वितरण अवस्थाबारे अनुगमन गरेर उपभोक्तालाई सहज रूपमा ग्यास उपलब्ध गराउन सरोकारवाला निकायलाई आग्रह गरिएको छ।
उपभोक्ताको गुनासो बढ्दै गएकाले सम्बन्धित निकायले वास्तविक अवस्था बुझेर आवश्यक कदम चाल्नुपर्ने देखिएको छ।
Discussion about this post