बाँके भदौ १८ गते ।
जिल्ला प्रशासन कार्यालय बाँकेले सार्वजनिक बिदाका दिन पनि राष्ट्रिय परिचयपत्रसम्बन्धी सेवा सञ्चालन गर्ने भएको छ।
कार्यालयमा राष्ट्रिय परिचयपत्रको विवरण दर्ता गराउन आउने सेवाग्राहीको चाप बढेपछि सेवा सहज बनाउन सार्वजनिक बिदामा पनि सेवा दिन लागिएको सहायक प्रमुख जिल्ला अधिकारी पूर्णबहादुर खत्रीले बताए।
उनका अनुसार भदौ १९ गते शुक्रबार श्रीकृष्ण जन्माष्टमीको सार्वजनिक बिदा भए पनि राष्ट्रिय परिचयपत्रलगायत अत्यावश्यक सेवा सञ्चालन हुनेछ।
त्यस्तै भदौ २१ गते आइतबार पनि राष्ट्रिय परिचयपत्रसम्बन्धी सेवा सञ्चालन हुने उनले बताए। उक्त दिन बिहान १० बजेदेखि अपराह्न ४ बजेसम्म सेवा दिइनेछ।
सेवाग्राहीको बढ्दो चापलाई ध्यानमा राखेर सार्वजनिक बिदाका दिन पनि सेवा सञ्चालनको व्यवस्था गरिएको खत्रीले बताए। उनले सम्बन्धित सेवाग्राहीलाई सहज रूपमा सेवा लिन आग्रह गरे।
Discussion about this post