रुपन्देही मंसिर २७ गते । कतार च्यारिटीले रूपन्देही जिल्लाको लुम्बिनी साँस्कृतिक नगरपालिका वार्ड नं ३ स्थित प्राथमिक स्वास्थ्य केन्द्र लाई सामग्री हस्तान्तरण गरेको छ ।
आज एक कार्यक्रम आयोजना गरी कतार च्यारिटीले भिडियो एक्सरे मेसिन (USG) एक थान, जनरल बेड आठ थान , डेलिभरी बेड दुई थान, मेटरेस दस थान, ह्वील चियर पांच थान, इमरजेन्सी ट्रली पांच थान लगायत सामग्री हस्तान्तरण गरेको छ ।
स्वास्थ्य केन्द्रमा उपकरणको कमी भएकोले उक्त उपकरणले स्थानीय विरामीहरूको स्वास्थ्य सेवा प्रभावकारी बनाउन सहयोग गर्ने र स्वास्थ्य सेवालाई बिशेष ध्यानमा राख्ने प्रतिबद्धता लुम्बिनी साँस्कृतिक नगरपालिकाका मेयर चौधरीले गरे ।
पिछडिएको क्षेत्रका महिला दिदी बहिनीहरुले गर्भावस्थामा धेरै समस्या झेल्नु पर्ने हुदा यी उपकरणहरु प्रदान गरिएको कतार च्यारिटीका परियोजना प्रबन्धक इर्शाद अलि शेखले बताए ।
सरकारले स्तरोन्नति गर्न लागेको यस स्वास्थ्य केन्द्रको प्रसुती सेवा कक्षमा मासिक ६५ जना भन्दा बढी महिलाको सुत्केरी गराउने कार्य भएको मे.सु. डा. मिलन अवालेले बताएका छन ।
सामग्री हस्तान्तरण कार्यक्रममा लुम्बिनी साँस्कृतिक नगरपालिकाका मेयर मनमोहन चौधरी, ३ नं वडा का अध्यक्ष अकरामुदिन नाउँ लगायत स्थानीय बुद्धिजीवीहरूको को उपस्थिति रहेको थियो।
Discussion about this post