धनुषा मंसिर २८ गते । धनुषाको क्षिरेश्वरनाथ नगरपालिका ५ महेन्द्रनगर बजारमा शुक्रबार मध्यराति भएको बम विस्फोटमा ३ जनाको मृत्यु भएको छ ।
विस्फोटमा परि मृत्यु हुनेमा स्थानीय ४६ वर्षका राजेश्वर साह,उनका छोरा अन्दाजी २४ वर्षका आनन्द साह र ईलाका प्रहरी कार्यालय महेन्द्रनगरका प्रहरी निरीक्षक अमिर दाहाल रहेको जिल्ला प्रहरी कार्यालय घनुषाका डीएसपी रामेश्वर कार्कीले जानकारी दिए
शुक्रबार राति १२ बजे राजेश्वरको घरको शौचालय नजिक बम विस्फोट भएको थियो । बम हो वा होइन भनी इलाका प्रहरी कार्यालय सखुवा महेन्द्रनगरबाट प्रहरी टोली पुग्नेबित्तिकै विस्फोट भएको थियो।
विस्फोटमा परी प्रहरी जवान रिजन महतो, मृतक घरमुली राजेश्वर साहका अर्का छोरा प्रकाश र छोरी अञ्जली गम्भीर घाइते भएका छन्।
प्रहरीले घटनाको अनुसन्धान तिव्र बनाएको छ ।
घटनास्थल ईलाका प्रहरी कार्यालयको ३/४ सय मिटरको दुरीमा रहेको छ ।
Discussion about this post