जावेद अन्सारी बाँके पुस ११ गते ।
निवर्तमान शहरी विकास मन्त्री तथा प्रतिनिधिसभाका सांसद मोहम्मद इस्तियाक राईले मन्त्रीबाट राजीनामा दिएकोमा नेपालगन्जबासीहरु दुख मान्नु नपर्ने बताउनुभएको छ ।
निवर्तमान मन्त्री राईले आफु मन्त्री नरहे पनि सांसदका रुपमा विकासका मुद्दामा दत्तचित्त भएर लाग्ने बताउनुभएको छ ।
मलाई माया गरेर जिताउनुभएका जनताले चिन्ता मान्नु पर्दैन उहाँले भन्नुभयो ।
मन्त्री भएपछि आफुले सारेका कार्य योजना जसरी भएपनि सफल बनाउने उहाँले जिकिर गर्नुभयो । आफुले सारेका योजनाको बारेमा दत्तचित्त भएर कार्य सम्पन्न गर्ने जानकारी गराउदै निवर्तमान मन्त्री राईले भन्नुभयो त्यसको लागि जनताले दुख मान्नु पर्दैन अनिवार्य रुपमा आफुले सारेका कार्ययोजनाहरु सत प्रतिशत पुरा गरेर देखाउने उहाँले धारणा राख्नुभयो ।
मन्त्री पद छोडे पनि सदन मेरो लागि रहिरहेको छ उहाँले भन्नुभयो, सदनबाट हामीले राज्यका निती विकास र यो क्षेत्रका विकासका निम्ती तत्पर रहने धारणा राख्नुभयो ।
बाँके र बर्दियालाई कर्णालीमा समायोजन गर्न संबैधानिकरुपमा कठिन काम भएको बताउनुभयो । प्रदेश हेरफेरका लागि संविधान संशोधन हुनुपर्ने संवैधानिक व्यवस्था रहेको र त्यो तत्काल असम्भव प्राय भएको थाहा पाउँदा पाउँदै जनतालाई दिग्भ्रमित पार्ने काम नगर्न उहाँले चेतावनी समेत दिनुभयो ।
संविधान संशोधन नभएको कारण हामीहरुले मन्त्री पदबाट राजीनामा दिएको उहाँले जानकारी गराउनुभयो । राज्यले पहिला संविधान सम्शोधन भएमात्र सिमाङकन हेरफेर हुन सक्ने उहाँले जानकारी गराउनुभयो । राज्यले जनताको लागि बेमौसमी बाजा नबजाउन उहाँले आग्रह गर्नुभयो ।
असम्भव कुरा जनतालाई साम्य नहुने भएको हुनाले पहिले संविधान सम्शोधन अनि मात्र सिमाङकन हेरफेर सम्भव हुने उहाँले जिकिर गर्नुभयो । काम नगरेका भरमा जनतालाई दिग्भरम्रित हुने काम नगर्न उहाँले आग्रह गर्नुभयो ।
निवर्तमान मन्त्री राईले भने,–‘हिजो संघीताको बिरोध गर्नेले अहिले प्रदेश हेरफेरको कुरा गरेको सुहाउँदैन ।’ संविधान संशोधनका लागि सामान्य तागतले सम्भव नहुने बताउँदै राईले भन्नुभयो त्यसका लागि सहयात्रा गर्ने भए साथ दिने बताउनुभयो । ‘हामीले संविधान संशोधन गरौ भन्दा बिरोध गर्ने अनि अहिले प्रदेश हेरफेरको कुरा उठाउने उहाँले जानकारी गराउदै भन्नुभयो, ‘संविधान संशोधनमा एकमत हो भनेर मिलेर संघर्ष गरौ अवश्य सफल हुने धारणा राख्नुभयो ।
मन्त्री राईले बुटवललाई प्रदेशको राजधानी कुनै हालतमा स्वीकार नगर्ने प्रष्ट पार्दै भन्नुभयो, ‘प्रदेशको राजधानीका लागि बाँके पहिलो प्रथामिकता अतिमात्र उपयुक्त ठाउँमा स्वीकार गरिन्छ मन्त्री राईले भन्नुभयो ।
मन्त्री नभए पनि बाँकेबासी जनता निराश हुनुहुदैन उहाँले भन्नुभयो । मन्त्री हुँदा विकासको खोलो बगेको थियो, बग्छ बगिरहन्छ त्यसलाई निरन्तरता दिने उहाँले ठोकुवा गर्नुभयो । ७७ जिल्ला मध्ये बाँके जिल्ला उत्कृष्ट बनाएर देखाउने निवर्तमान मन्त्री राईले भन्दै त्यसमा नेपालगन्जलाई उत्कृष्ट शहरको रुपमा घोषणा गर्ने प्रतिवद्धता गर्नुभयो ।
Discussion about this post