एजेन्सी फागुन ६ गते । भारतीय प्रधानमन्त्री नरेन्द्र मोदीको निमन्त्रणामा अमेरिकी राष्ट्रपति डोनाल्ड ट्रम्प ‘द बिस्ट’ कार लिएर भारत आउने भएका छन् ।
सुरक्षाको दृष्टिकोणबाट यो कार अत्यन्त बलियो रहेको उक्त कार सहित डोनाल्ड ट्रम्प २४ फेब्रुअरीमा दुई दिने भ्रमणको लागि भारत आउन लागेका हुन् ।
ट्रम्प गुजरातमा ओर्लिएपछि सीधै ‘द बिस्ट’ कारबाट सरदार पेटेल स्टेडियम पुग्नेछन् । उक्त कारले पहिले प्रयोगमा आइरहेको क्याडिलिक वानलाई विस्थापित गरेका थियो ।जसको प्रयोग पूर्व राष्ट्रपति बाराक ओबामाले गर्दै आएका थिए ।
ट्रम्प जुन ‘द बिस्ट’ कारमा सवार हुन्छन्, त्यसको लम्बाई २ स्पोर्ट युटिलिटी कारको बराबरी रहेको छ । राष्ट्रपतिको ‘बिस्ट’ कारलाई ट्रकको चेसिसबाट बनाइएको छ ।जसले गर्दा यो कार गहंगो पार्टस तथा उपकरणको बोझ सजिलै सहन गर्न सक्ने किसिमको रहेको छ ।
कारको तल्लो भाग सुरक्षित राख्नका लागि चेसिसको तल पाँच इन्चको स्टील प्लेट राखिएको छ । यसमा बम विष्फोट तथा ल्यान्डमाइनले पनि असर गर्दैन । बिस्टको झ्याल सीसा र पोलिकार्बोनेटको पाँच तहबाट बानइएको छ । जसका कारण यसमा गोली पनि छिर्न सक्दैन ।
यसको झ्याल ड्राइभरपट्टि तीन इन्च मात्रै खुल्छ । ड्राइभरको क्याबिनमा उत्तम सञ्चार तथा जीपीएस ट्रयाकर राखिएको हुन्छ ।
यसको चक्कामा स्टीलको रिम राखिएको हुन्छ । यसले कारको चक्का पन्चर भएपछि पनि कारको गती घट्दैन । कारमा ८ इन्च लामो ढोका राखिएको हुन्छ । जसको वजन बोइङ ७५७ विमानको बराबरी रहेको छ ।
यस बिस्ट कारको ढोका एक पटक बन्द भएपछि यसमा कुनैपनि रसायको आक्रमणको कुनै असर पर्दैन । यो ढोका रासायनिक हमलाको समयमा इन्टेरियरलाई सील गर्न सक्छ । सुरक्षाका लागि कारमा लुकाएक्ष्र पम्प एक्सन सर्टगन, टियर ग्यास क्यानोन राखिएको हुन्छ । कारको अघिल्लो हिस्सामा टियर ग्यास गेनेड लन्चर्स तथा रातमा देख्नका लागि नाइट भिजन क्यामेरा राखिएको हुन्छ ।
यसका साथै राष्ट्रपतिको रगत भएको ब्याग पनि कारमा राखिएको हुन्छ । यसले कुनै आपतकालिन स्थितिमा राष्ट्रपतिलाई रगतको आवश्यकता पर्यो भने प्राथमिक उपचार गर्न सकिन्छ । कारको पछिल्लो सीटमा स्याटलाईट फोन राखिएको हुन्छ । यो अमेरिकी उप राष्ट्रपति तथा पेन्टागनसँग सीधा जोडिएको हुन्छ ।
कारको पछिल्लो हिस्सामा राष्ट्रपनि ट्रम्प र अन्य ४ मानिस बस्न सक्छन् । कारको पछिल्लो भागमा एक प्यानिक बटन तथा आपतकालिन स्थितिसँग जुझ्नका लागि स्वतनत्र अक्सिजनको आपूर्ति गरिन्छ । उक्त कारको चालककले अमेरिकी गोप्य सेवाकोतर्फबाट तालिम लिएका छन् ।
चालकले कारलाई कुनै पनि चुननैतीपूर्ण स्थितिमा खतराको स्थानबाट टाढा लैजान सक्छन् । कारको इन्धन ट्यांकमा विष्फोट नहोस् भनेर यसका लागि विशेष किसिमको फोमले भरिएको छ ।
Discussion about this post