खोजखबर संवाददाता
बाँके साउन १३ गते । जिल्ला प्रहरी बाँकेले ठुलो मात्रा चाँदी सहित एक जनालाई पक्राउ गरेको छ । नेपालगञ्जबाट बर्दियातर्फ निकासी गर्ने क्रममा चाँदी सहित सुभाष गुप्तालाई प्रहरीले नियन्त्रणमा लिएको हो । भारतबाट अबैध रुपमा नेपालगञ्ज ल्याएर संकलन गरिएका चाँदीका गहना बर्दिया लैजाने क्रममा नेपालगञ्जको टाँगा स्टेशन नजिकबाट प्रहरीले गुप्तालाई नियन्त्रणमा लिएको जनाएको छ । नेपालगञ्जको देवाफूलबारीमा कोठा लिई बसेका गुप्ता पाँच किलो ४ सय ९५ ग्राम चाँदीका गहना लिएर बर्दिया जान लागेका थिए । बाँके प्रहरी प्रमुख एसपी बीरबहादुर वलीले चाँदीसहित गुप्तालाई पक्राउ गरिएको बताए ।
ADVERTISEMENT
Discussion about this post