फाइल फोटो
काठमाडौं असार ७ गते ।
लकडाउनकै समयमा बढी भाडा लिई नेपालगन्ज र झापाबाट काठमाडौं आएका चार वटा बसलाई प्रहरीले नियन्त्रणमा लिएको छ। ट्राफिक प्रहरी र जनपथ प्रहरीको संयुक्त टोलीले विभिन्न मितिमा बढी भाडा असुल गरी काठमाडौं यात्रु ल्याउने चार वटा सार्वजनिक बसलाई नागढुङ्गाबाट नियन्त्रणमा लिएको हो।
नेपालगञ्जबाट आएका बा ४ ख ७३६३, ना ७ ख ५३९५ नम्बरको बस, बा ४ ख ४५८० नम्बरको हायस तथा झापाबाट आएको ना ५ ख ५८३४ नम्बरको बसलाई ट्राफिक प्रहरीले नियन्त्रणमा लिएको छ। साथै ती बसका चालकहरु क्रमशः विकाश शर्मा, राहुल डगर, राकेश शाक्य र रूद्र बहादुर घर्तीलाई पनि नियन्त्रणमा लिएको महानगरीय ट्राफिक प्रहरी महाशाखाका एसपी बामदेव गौतमले जानकारी गराएका छन् ।
उनीहरूले मौकाको फाइदा उठाई सार्वजनिक बसहरूमा विना पास बढी भाडा लिई काठमाडौं भित्र्याउँदै गरेको अवस्थामा प्रहरीले नियन्त्रण गरेको गौतमले बताएका छन् ।
Discussion about this post