बाँके साउन १९ गते ।
नेपालगन्ज उपमहानगरपालिकाका एकजना वडाअध्यक्षलाई कोरोना भाइरस संक्रमण पुष्टि भएको छ । भेरी अस्पताल नेपालगन्जमा गरिएको पिसिआर परीक्षणमा ती वडाअध्यक्षमा कोरोना भाइरस संक्रमण पुष्टि भएको हो ।
वडाअध्यक्षसहित उपमहानगरपालिकाका प्रशासन शाखामा कार्यरत कर्मचारीलाई पनि भाइरस संक्रमण पुष्टि भएको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो । नेपालगन्ज उमहानगरपालिका १ धम्वोजीका ४७ बर्षिय वडाअध्यक्षमा ज्वरो, रुखाखोकी, श्वासप्रश्वास सम्वन्धि लक्षण देखिएको छ ।
अर्का ४९ बर्षका कर्मचारीमा भने लक्षण नदेखिएको फोकलपर्सन श्रेष्ठले बताउनुभयो । दुवै जनालाई खजुरा क्यान्सर अस्पतालको आइसोलेसनमा राखिएको छ । पछिल्लो २४ घण्टामा १९५ जनाको पिसिआर परीक्षण गर्दा ९ जनामा भाइरस संक्रमण देखिएको भेरी अस्पतालले जनाएको छ । अरु संक्रमित रुकुमका हुन् ।
Discussion about this post