जावेद अन्सारी
बाँके साउन २० गते ।
बाँकेमा सम्बद्ध सरोकारवालाहरुकै कमजोरीका कारण कोरोनाको महामारी निम्तिएको छ । लकडाउन खुलेसँगै नेपालगन्ज कोरोनाको इपिसेन्टर बनेको छ । यहाँका सरकारी कर्मचारीदेखि जनप्रतिनिधि समेत कोरोनाबाट पीडित भएका छन् ।
समुदायस्तरमा कोरोना देखिएको छ । बाँकेका प्रमुख जिल्ला अधिकारी रामबहादुर कुरुम्वाङ, नेपालगन्जका मेयर डा.धवल शम्शेर राणालगायतको लापरवाहीले फेरि नेपालगन्ज कोरोनाको इपिसेन्टर बनेको स्रोतको भनाइ छ ।
प्रजिअ र मेयरले भारतबाट आउजाउ गर्नेहरुलाई कडाइ नगर्दा यो अवस्था आएको हो । स्थानीय सरकारले भारत जानका लागि जथाभावी सिफारिस दिने र त्यसलाई सीमाका सुरक्षा अधिकारीहरुले हस्ताक्षर गरेर पठाउँदा हालत यस्तो भएको हो ।
छिमेकी देश भारत कोरोना संक्रमित देशमा विश्वकै तेस्रो स्थानमा पर्छ । नेपालगन्जको जमुनाह नाका भएर दैनिक मानिसहरु भारत जाने र आउने क्रम जारी छ । औषधी लिन, विरामी भेट्न, मलामीका नाममा स्थानीय तहबाट सिफारिस लिने र भारत पुगेर घुमघाम गरेर आउने गरेका कारण नेपालगन्ज कोरोनाको इपिसेन्टर बनेको नाम उल्लेख नगर्ने सर्तमा एक जनाले बताए ।
उनले भने सिडिओलाई फेसबुकमा स्टाट्स लेख्न ठिक्क छ, मेयरलाई विकासे काम सक्नु छ यहाँ कोरोनाको कसलाई मतलव ? उनले भनेजस्तै सिडिओले नाकामा कडाइ नगरेका कारण कोरोनाले महामारीको रुप लिएको हो ।
जमुनाह प्रहरीका इन्चार्ज विष्णु गिरीले समेत चेकजाँचमा कडाइ गरेका छैनन् । जसका कारण मानिसहरु भारत आउजाउ गर्ने क्रम रोकिएको छैन् । जनप्रतिनिधिलाई खवर गर्दा समेत वास्ता नगरेको पाइएको छ ।
भारतबाट सिधै मानिसहरु घरमा आएर बसेको खवर गर्दा जनप्रतिनिधिहरुले बेवास्ता गरेका छन्। उनीहरु निर्वाध समाजमा हिडडुल गर्ने गरेका कारण उनीहरुबाटै संक्रमण फैलिएको आंशका धेरैको छ ।
पहुँचका भरमा आफ्ना मान्छेहरु भारतबाट ल्याउने र उनीहरुलाई क्वारेन्टिनमा राख्नुको साटो होम क्वारेन्टिन भनेर घरमा पठाउँदा अहिले सिंगो बाँकेबासी नै कोरोना भाइरसको जोखिममा परेका छन् ।
कोरोना भुसको आगो झै सल्किसक्यो यहाँका अगुवाहरु भन्छन्, अव घरघरमा पिसिआर टेस्ट नगर्दासम्म अवस्था नियन्त्रण बाहिर जाने पक्का छ ।
Discussion about this post