बाँके साउन २५ गते ।
कोरोना भाइरस संक्रमण फैलिन नदिन नेपालगन्जलाई शिल गरिएको छ । सुर्खेतरोडलाई बाहिर पार्ने गरी पुष्पलाल चोकदेखि गणेशमान चोकसम्म, गणेशमान चोकदेखि चारवाहिनी चोक, पिपल चौतारा हुँदै बाँकेगाउँ, बाँकेगाउँदेखि रिङरोड फुल्टेक्रास्थित आर्मी ब्यारेक हुँदै नहरपुर्वा चोकसम्म, नहरपुर्वा चोकदेखि बसपार्क रोड हुँदै पुष्पलाल चोकसम्मको चार किल्ला क्षेत्रलाई शनिबार राती १२ बजेदेखि मंगलवार राती १२ बजेसम्म शिल गरिएको हो ।
यो क्षेत्रमा शनिवारराती १२ बजेपछि स्वास्थ्य, सुरक्षाकर्मी, एम्वुलेन्स, शब बाहक र दमकल बाहेकका सवारी साधन, पसल, व्यवसाय र हिडड्लमा प्रतिबन्ध लगाइएको छ । तर दिनभरी मानिस सुनसान भएपनि अहिले साँझदेखि भने मानिसहरु हिड्ने क्रम सुरु भएको छ । मोटरसाइकलदेखि कारहरु गुडिरहेका छन् ।
नागरिक पनि उस्तै अटेरी बनेका छन् । प्रहरी प्रशासनले भने आफैले जारी गरेको नियमलाई कडाइ गर्न सकेको छैन् । स्थानीय प्रशासनको निर्णय बर्खिलाप गर्ने, अवहेलना गर्ने वा कामकाजमा बाधा पु¥याउनेलाई संक्रामक रोग ऐन २०२० तथा स्थानीय प्रशासन ऐन, २०२८ बमोजिम कारवाही हुने चेतावनी दिएकोे छ । कोरोना भाइरसको संक्रमण थप फैलिन नदिन स्थानीय प्रशासनले सबै नागरिकहरुलाई घरमै बस्न आग्रह गरेको छ ।
Discussion about this post