काठमाडौं असार १४ गते ।
बेल्जियम र चेक रिपब्लिक युरो कप फुटवलको क्वाटरफाइनलमा प्रवेश गरेका छन् । पोर्चुगललाई हराउँदै बेल्जियम क्वाटरफाइनलमा प्रवेश गरेको हो भने नेदरल्याण्ड््सलाई हराउँदै चेक रिपब्लिक युरो कपको क्वाटरफाइनल यात्रा तय ग¥यो ।
गएराती पोर्चुगललाई १–० गोलले हराउँदै बेल्जियम अन्तिम आठमा पुगेको हो । बेल्जियमलाई जिताउन थोर्गन हाजार्डले ४२ औँ मिनेटमा गोल गरे । बेल्जियमको जितसँगै पोर्चुगलको युरो २०२० को यात्रा सकिएको छ ।
यस्तै गएरातीको अर्को खेलमा नेदरल्यान्ड्सलाई २–० गोलले हराउँदै चेक रिपब्लिक क्वाटरफाइनल पुगेको हो । चेक रिपब्लिकलाई क्वाटरफाइनल पु¥याउन थोमस होल्स र पेट्रिक स्किचले गोल गरे ।
नेदरल्यान्ड्सका स्टार खेलाडी म्याथ्जिस डिलाइटले दोस्रो हाफको सुरुमै रेड कार्ड खाएर मैदान छाडेपछि डच टिम कमजोर बनेको थियो । राम्रो फुटबल खेल्ने भएपनि उपाधि भिडन्तमा चुकिरहने नेदरल्यान्ड्स सँधै अभागी टिमका रुपमा परिचित छ ।
Discussion about this post