बाँके साउन २३ गते ।
नेपालगन्ज उपमहानगरपालिका १७ स्थित सहादत मस्जिद गुठी इदगाह करबला व्यवस्थापन समिति गठन भएको छ । करिव १६ बर्षपछि मस्जिदले नयाँ कार्यसमिति पाएको हो । समितिको अध्यक्षमा कौसर अलि वेहना चयन हुनुभएको छ ।
यस्तै सज्जन अलि सल्मानी उपाध्यक्ष, मन्सुर अलि दर्जी कोषाध्यक्षमा चयन हुनुभएको छ । मकसुद अलि दर्जी, रज्जब अलि बेहना, गजब्फर अलि दर्जी, रसिद अलि दर्जी, रफिक धोवी, आरिफ बागवान र अजय कुमार पाठक पदेन सदस्य रहनुभएको छ ।
१२५ जनाको उपस्थितिमा वडाअध्यक्ष पाठकको रोहवरमा नयाँ कार्यसमिति चयन भएको हो । निजामुद्दिन इद्रिशीले मस्जिद व्यवस्थापनमा प्रभावकारी भूमिका निर्वाह नगरेपछि उहाँलाई समितिबाट विस्थापित गरेर नयाँ नेतृत्व चयन भएको छ ।
सहादत मस्जिद गुठीको नाममा दर्ता रहेको केहि जग्गा इदगाह र केहि जग्गा कर्बलाको रहेको छ । मदरसा मस्जिद इदगाह र कर्बलालाई आफ्ना पुर्खाले जग्गा दान दिइएको भन्दै निजामुद्दिनले उक्त संरचनालाई आफ्नो निजी भन्दै आएका छन् ।
तर स्थानीयहरुले भने त्यसको बिरोध गर्दै आएका छन् । यदी आफ्नो निजी भए प्रमाण देखाउन स्थानीयहरुले चुनौति दिदै आएका छन् । निजि जग्गा भए यसमा आफ्नो कुनै आपती नहुने स्थानीयहरुको भनाइ छ।
इद्रिशीले सार्वजनिक सम्पतिलाई निजीकरण र कब्जा गर्ने रणनीति लिएको भन्दै स्थानीय रुष्ट छन् । नयाँ नेतृत्वले मदरसा व्यवस्थापनमा प्रभावकारी भूमिका निर्वाह गर्ने विश्वास दिलाएको छ ।
Discussion about this post