वसिम अन्सारी
बाँके असोज ६ गते ।
नेपालगन्ज त्रिभुवन चोकमा मोटरसाइकलको ठक्करबाट ज्यान गुमाएकी अढाइ वर्षीया बालिका अनावीय राइको न्यायका लागि भोलिदेखि नागरिकस्तरबाट दवावमुलक आन्दोलन गरिने भएको छ ।
बालिकालाई ठक्कर दिने मोटरसाइकल अहिलेसम्म फेला पार्न प्रहरीले अहिलेसम्म पनि नसकेपछि दवावका लागि आन्दोलन गर्न लागिएको हो ।
मोटरसाइकलको ठक्करबाट बालिकाको मृत्यु भएको भोलि ठिक एक महिना पुग्दैछ । अहिलेसम्म ठक्कर दिने मोटरसाइकलको पहिचान गर्न प्रहरी सफल हुन सकेको छैन् ।
पीडित परिवारले आज नेपालगन्जमा पत्रकार सम्मेलनको आयोजनागरी घटनाबारे प्रहरी प्रशासनले निष्पक्ष भएर छानवीन गर्नुपर्ने, पीडित परिवारलाई क्षतिपूर्ति दिनुपर्ने, दोषीलाई कारवाही गर्नुपर्ने लगायतको माग गरिएको छ ।
मागहरुको सम्वोधनमा दवाव दिन दिउँसो एक बजे त्रिभुवन चोकमा आन्दोलन गरिने भएको मृतकका ठूलो बुवा अल्ताब राईले जानकारी दिनुभयो ।
उहाँले त्रिभुवन चोकमा सिसि टिभी क्यामेरा मर्मत गर्न माग गर्नुभयो ।
यस्तै उहाँले त्रिभुवन चोकमा ट्राफिक प्रहरीको विट राख्नुपर्ने माग पनि गर्नुभयो । बालिकाका बुवा इमरान राईले घटनाको एक महिना पुग्दा पनि दोषीको पहिचान हुन नसकेको भन्दै दुख व्यक्त गर्नुभयो । क्षतीपूर्तिका लागि आफुहरुले पैसा नमागेको भन्दै त्यो पैसाले अक्ष कोष स्थापना गरिने बताउनुभयो ।
Discussion about this post