बाँके असोज २१ गते ।
चाड पर्व नजिकिँदै गर्दा भारतसँगको खुलला सीमा नाकाबाट तस्करी बढेको छ । करिव ६५ किलोमिटर खुलला सीमानाका छ ।
नेपालगन्जको जमुनाह नाका यसक्षेत्रकै मुख्य नाका हो । यो नाकासँगै अन्य नाकाहरुबाट दैनिकरुपमा चोरी तस्करी भइरहेको छ । तर सीमा सुरक्षा र चोरी तस्करी नियन्त्रणको जिम्मा पाएको सशस्त्र प्रहरीले पनि निगरानी बढाउँदै लगेको छ ।
जति चोरी तस्करी बढ्दै गएको छ त्यतिमात्रामा सशस्त्र प्रहरीले पक्राउ गर्नेक्रमलाई पनि तीब्रता दिएको छ । भारतबाट अवैध रुपमा ल्याइएको सामान नेपालमा बढी मुल्यमा बिक्रीवितरण हुने भएकाले यहाँका व्यापारीहरुले भरिया बनाएर सामान ओसारपसार गराउने गरेका छन्।
तिनै भरियाले भित्र्याउँने गरेको सामान प्रहरीलाई देख्ने वित्तिकै छाडेर फरार हुँदा प्रहरीले बरामद गर्ने गर्छ । त्यही तस्करीको सामान सशस्त्र प्रहरीले धमाधम समातेर भन्सार बुझाउने काम गरिरहेको छ ।
नेपालगंज उपमहानगरपालिका १६ जयसपुर र १५ पिप्रहवा हुँदै भारतबाट नेपालतर्फ ल्याउँदै गरेको अवैध रुपमा भन्सार छलीको सामान सशस्त्र प्रहरीले बरामद गरेको हो ।
सशस्त्र प्रहरी बल नेपाल नं ३० गण हेडक्वाटर बागेश्वरी बाँकेबाट सशस्त्र प्रहरी सहायक निरीक्षक राधेश्याम चौधरीको कमाण्डमा खटिएको मोबाईल टोलीले जिल्ला बाँके नेपालगंज उपमहानगरपालिका १५ पिप्रहवा र सशस्त्र प्रहरी बल नेपाल वि.ओ.पि.जमुनाह बाँकेबाट सशस्त्र प्रहरी नायब निरीक्षक योगेन्द्र बहादुर शाहीको कमाण्डमा खटिएको मोबाईल टोलीले ठूलो परिणाममा अवैध सामान बरामद गरेको सशस्त्र प्रहरी उपरीक्षक अशोक कुमार बमले जानकारी दिनुभयो ।
नेपालगंज उपमहानगरपालिका १६ जयसपुर ईलाकामा अवैध रुपमा भन्सार नाका छली भारतबाट नेपाल तर्फ ल्याउदै गरेको लत्ता कपडा¸ छुर्पी¸ हरियो तरकारी¸ किराना सामान र सुपारी सहितको ३ लाख ६० हजार ७ सय ७० रुपैयाँ बराबरको सामान बरामद भएको हो ।
युपि ४० एम ८२७३ भारतिय नम्बर प्लेटको मोटरसाईकल सहित बरामद गरिएको उक्त सामान आवश्यक कारवाहीको लागि नेपालगंज भन्सार कार्यालय बाँकेमा बुझाईएको पनि सशस्त्र प्रहरी उपरीक्षक बमले बताउनुभयो ।
Discussion about this post