बाँके बैशाख ८ गते ।
जनता समाजबादी पार्टी बाँके अध्यक्ष कमरुद्दिन राई मतदातामाझ लोकप्रिय छन् । उनी जसपामा आस्था नराख्ने मतदातामाझ पनि उत्तिकै लोकप्रिय मानिन्छन् । बर्ण कालो भए पनि उनको मन सेतो लुगा झैँ सफा छ । उनको मन ‘बेदाग’ छ ।
उनी गरिव, गुरुवाको सेवालाई मानव धर्म सम्झिन्छन् । आफूले कमाएको अंशको केहि भाग अरुलाई दिने उनको संस्कार र संस्कृति भित्र पर्दछ । त्यसैले उनी अधिकांशको मन, मस्तिष्कमा बस्न सफल भएका छन् । उनी नेपालगन्जबासीको अझ धेरै सेवा गर्न चाहन्छन् ।
नेपालगन्जलाई समृद्ध बनाउन राजनीतिमा पहुँच बढाउन र नीति निर्माण गर्ने तहसम्म पुग्न खोजेका छन् । ‘राजनीतिक पहुँच भएन भने चाहँदा चाहँदै पनि केहि गर्न सकिदो रहेनछ । मैले नेपालगन्ज र नेपालगन्जबासीलाई समृद्ध बनाउन चाहेको छु, तर अहिले मसँग पावर छैन,’ उनले भने ।
नेपालगन्जको मेयरमा जितेर जनताको सेवामा लिन हुन खोज्दै छन्, तर सत्तागठबन्धनको नाममा उनकै पार्टीले उनलाई बन्धक बनाउन खोज्दै छ ।
नको अगाडी बढ्ने गोरेटोमा सत्तागठबन्धन बाधक बनिरहेको छ । तै पनि उनले हिम्मत हारेका छैनन् । उनी भन्छन्, ‘म कुनै पनि हालतमा मेयर बनेर नेपालगन्जबासीको सेवा गर्छु । यो मेरो नेपालगन्जबासीसँग ‘वादा’ हो ।’
पार्टी नेतृत्वले सत्तागठबन्धन दलसँग लम्पसार परेकोमा उनलाई पटक्कै मन परेको छैन ।
बाँकेमा चार पालिकामा गठबन्धन नगर्ने जिल्लाको निर्णयलाई केन्द्रले बेवास्ता गरेर अपमान गरेको उनको ठम्याई छ । उनले केन्द्रको निर्णय मान्न नसकिने स्पष्ट पारेका छन् । ‘जिल्लाको बस्तुस्थिति नबुझेर केन्द्रका नेताले मनोमानी ढंगले गरेको निर्णय स्विकार्न सकिदैन ।
हामीहरु अर्कै चुनाव चिन्ह लिएर चुनावमा होमिन्छौँ,’ उनले भने, ‘हामी गठबन्धन मान्दैनौँ, चुनाव लड्छौँ । पार्टीले मान्दैन भने हामी फरक चुनाव चिन्ह लिएर पुरै बाँके जिल्लामा प्रतिस्पर्धा गर्छौं ।’
उनले शुक्रबार बिहान जिल्लामा रहेका सबै पालिका अध्यक्ष र वडा अध्यक्षलाई राखेर पत्रकार सम्मेलन गर्ने तयारी गरेका छन् । उक्त बैठकले निर्वाचनको निर्णय लिने बताए ।
‘चुनावमा कसरी जाने भन्ने विषयमा छलफल गर्न सबैलाई बैठकमा बोलाएका छौँ । पार्टीबाट राजिनामा दिने र स्वतन्त्र रुपमा चुनाव लड्ने निर्णय गर्छौँ,’ अध्यक्ष राईले भने ।
सुरक्षा निकायले जस्तै निर्देशन केन्द्रले दिने र तल्लो तहले मानिराख्न नसकिने उनको भनाई छ । पुलिसले जस्तो निर्देशन दिएको भरमा आफू कसैको पछि लाग्न बाध्य नहुने उनले जिकिर गरे । ‘माथिबाट आदेश आयो भन्दैमा हामीले कार्यालय नै खाली गर्न सक्दैनौँ । हामी कसैको गुलामी गर्नका लागि कार्यकर्ता भएका होइनौँ,’ उनले भने ।
केन्द्रमा गठबन्धन गर्ने पाँच दलिय गठबन्धन वीच सहमति भएकै बेला जसपा बाँकेका नेता, कार्यकर्ताले नेपालगन्ज सहित चार पालिकामा गठबन्धन नगर्ने भन्दै गठबन्धनलाई लिखित पत्र पठाएका थिए ।
पाँच दलिय गठबन्धनको निर्णयले आक्रोशित भएका जसपाका नेताहरूले केन्द्रको सहमति नमान्ने भन्दै पार्टी परित्यागको तयारी थालेका छन् ।
गठबन्धन दलले जसपालाई जनकपुर उपमहानगरपालिका दिने र काँग्रेसले नेपालगन्ज उपमहानगर पाउने सहमति गरेको छ ।
Discussion about this post