बाँके भदौ २५ गते ।
जमुनाह प्रहरीले ठुलो परिणाममा लागुऔषध ब्राउन सुगरसहित एक जनालाई पक्राउ गरेको छ ।
प्रहरीले नेपाल-भारतको सीमा क्षेत्र जमुनाह नाकाबाट दाङ घोराही नगरपालिका-११ बस्ने २५ वर्षीय सन्जय नेपालीलाई ब्राउन सुगरसहित पक्राउ गरेको हो ।
भारतीय बजार रुपैडिहाबाट सोमबार दिउँसो नेपालतर्फ आउँदै गरेको नेपालीलाई विषेश सूचनाको आधारमा चेकजाँच गर्ने क्रममा जुत्ताभित्र लुकाई राखेको अवस्थामा ५० ग्राम लागुऔषध ब्राउन सुगरसहित प्रहरीले पक्राउ गरेको छ ।
जिल्ला प्रहरी कार्यालय बाँकेका प्रहरी प्रवक्ता नारायण डाँगीका अनुसार पक्राउ परेका नेपालीले बायाँ खुट्टाको जुत्ताभित्र उक्त लागू औषध ब्राउन सुगर जस्तो देखिने खैरो धुलो पदार्थ लुकाएर राखेको अवस्थामा जमुनाह प्रहरी र लागू औषध व्यूरोको संयुक्त टोलीले पक्राउ गरेको थियो ।
पक्राउ परेका नेपालीलाई थप अनुसन्धानका लागि जिल्ला प्रहरी कार्यालयको हिरासतमा राखिएको प्रहरीले जनाएको छ ।
Discussion about this post