प्रहरी हुँ भन्दै ठगी गर्ने पक्राउ

सम्बन्धित समाचार

बर्दिया बैशाख २२ गते ।
आफूलाई सादा पोसाकका प्रहरी भन्दै ट्रकका कामदारसँग पैसा असुल्दै आएका ३ जनालाई बर्दिया प्रहरीले पक्राउ गरेको छ । गुलरिया नगरपालिका–५ लक्ष्मी ट्रेडर्सका ट्रकका कामदार ३६ वर्षीय इलियस शेषलाई धम्काई ५ हजार रुपैयाँ घुस माग्दै गर्दा प्रहरीले पक्राउ गरेको छ ।

कालाबन्जर जंगलमा भे १ ख ३५०७ नम्बरको ट्रक चालक बाँसगढी नपा–६ दमौलीका शक्ति श्रेष्ठको मिलेमतोमा माछागढका २५ वर्षीय मानबहादुर सुनार,२२ वर्षीय हिमाल विक र सोही ठाउँका २२ वर्षीय निरज नेपाली पक्राउ परेको जिल्ला प्रहरी कार्यालयका सूचना अधिकारी डीएसपी तुल्सीराम अर्यालले बताए ।

ट्रक चालक श्रेष्ठ फरार रहेको उनले जनाए । बिहीबार मध्यरातमा कवाड सामान लिई गई रहेका शेषलाई बाँसगढी–७ कालाबन्जर जंगलमा रोकी ५ हजार रकम नदिए जान नदिने धम्की दिँदादिँदै उनीहरूलाई प्रहरीले पक्राउ गरेको हो ।