बाँके असोज २२ गते ।
बाँके प्रहरीले ठुलो परिमाणमा प्रतिबिन्धत लागु औषध ब्राउन सुगरसहित दुई जनालाई पक्राउ गरेको छ ।
नेपालगन्ज उपमहानगरपालिका–१५ जमुनाह स्थित लागु औषध नियन्त्रण ब्युरो नेपालगन्ज र जिल्ला प्रहरी कार्यालय बाँकेको संयुक्त प्रहरी टोलीले चेकजाँच गर्ने क्रममा एक सय ५० ग्राम लागु औषधसहित दुई जनालाई पक्राउ गरेको बाँकेका प्रहरी प्रमुख एसपी तुलबहादुर कार्कीले जानकारी दिए ।
पक्राउ पर्नेमा बहराईच जिल्ला जनपद नानपारा, भारतका ४४ वर्षीय सविर अहमद खान रहेको उनले बताए । रुपैडियाबाट आउँदै गरेका खानलाई चेकजाँच गर्दा ३ प्याकेट लागु औषध ब्राउन सुगर जस्तो देखिने खैरो धुलो पदार्थ बरामद गरेको हो,’ उनले भने।
खान संगै रहेका नेपालगन्ज उपमहानगरपालिका–४ का २५ वर्षीय बब्लु हलवाईलाई पनि नियन्त्रणमा लिएर थप अनुसन्धान भैरहेको एसपी कार्कीले बताए ।
बाँकेका प्रहरी प्रमुख एसपी कार्कीले लागु औषध नियन्त्रणमा कडाई गरेपछि लागु औषध कारोबारी र प्रयोगकर्ता धमाधाम पक्राउ पर्न थालेका छन्। यसअघि असोज १६ गते बाँके प्रहरीले नेपालगन्जबाट ठूलो परिमाणमा प्रतिवन्धित लागु औषध बरामद गरेको थियो। नेपालगन्ज उपमहानगरपालिका–२० राँझाबाट प्रहरीले ९९ सय ग्राम प्रतिवन्धित लागु औषध ब्राउन सुगरसहित दुई जनालाई पक्राउ गरेको थियो।
खुला सीमानाकाका कारण बाँकेमा लागु औषधको कारोवार र जोखिम बढे पछि कडाई गरिएको एसपी कार्कीले बताए। कारोबारी र प्रयोगकर्ताको पहिचान गरि पक्राउ गरि कारवाही गरिएको छ,’ उनले भने, धेरै कारोवारीको पहिचान भईसकेको छ। उनीहरु पनि केहि दिनमा पक्राउ पर्ने छन्।
उनले लागु औषध बिरुद्धका अभियान र सचेतिकरणका कार्यक्रमलाई पनि प्रभाबकारी ढंगले लैजाने स्पष्ट पारे।
Discussion about this post