बाँके माघ २८ गते । बाँकेको नेपालगञ्जमा यही फागुन २० गतेदेखि क्यान ईन्फोटेक–२०२० (सूचना प्रबिधि प्रदर्शनी) महोत्सव हुने भएको छ ।
सूचना र संचार प्रबिधिको क्षेत्रमा भएका विकास तथा आधुनिक प्रविधिको बारेमा जानकारी प्रदान गर्न यही फागुन २० देखि २४ गतेसम्म सूचना प्रबिधि प्रदर्शनी–२०२० हुन लागेको हो ।
नेपालगञ्जको सिद्धार्थ कटेजमा सो प्रदर्शनी संचालन हुने आयोजक क्यान महासंघ बाँके शाखाले जानकारी दिएको छ ।
चौथो संस्करणका रुपमा प्रदर्शनी गर्न लागिएको कम्प्यूटर एसोशिएसन नेपाल (क्यान महासंघ) बाँकेका अध्यक्ष रमणी प्रशाद शर्मा ले बताए । ५ दिनसम्म चल्ने प्रदर्शनीमा ९७ वटा स्टल राखिने मंगलबार नेपालगञ्जमा पत्रकार सम्मेलनको आयोजना गरि जनाइएको छ ।
जसमा हार्डवेयर सेल्स तथा मर्मत, पावर सोलुसन्स, मोवाईल एसेसोरिज, डिलर र डिस्ट्रिव्युटर्स, ईन्टरनेट सेवा प्रदायक, टेलिकम्युनिकेशन्स, बैंक, आई सी.टी.कलेज, शैक्षिक परामर्श केन्द्र ट्रेनिङ्ग ईन्स्टिच्युट्स, सफ्टवेयर सोलुसन्स, पेमेन्ट सोलुसन्स् र विभिन्न नयाँ प्रविधिको प्रयोग गरी स्थानिय विद्यार्थीहरुले बनाएका प्रविधियुक्त हाडवेयर र सफ्टवेयरसँग सम्बन्धित सामाग्री रहने छ ।
‘प्रभु पे क्यान ईन्फोटेक २०२० ईन एशोशिएसन विथ वोल्र्ड लिंक’ नाम दिईएको उक्त प्रदर्शनी अवलोकनका लागि सर्वसाधारणलार्ई ३० रुपैंया र विद्यार्थीहरुलाई २० रुपैंया प्रवेश शुल्क राखिएको छ । अनलाईनमाफर्त टिकट खरिद गर्नेलाई ५ रुपौयाँ छुटको ब्यवस्था गरेको क्यान प्रदेश ५ का सचिव भोजराज तिमिल्सिना ले जानकारी दिए ।
प्रदर्शनी अवलोकनका लागि पत्रकार, अपाङ्ग, अशक्त तथा ७० वर्ष उमेर पुगेका नेपाली नागरिकहरुलाई निःशुल्क प्रवेशको ब्यवस्था मिलाईने आयोजक ले जनाएको छ । पत्रकार सम्मेलनमा क्यान प्रदेश ५ का अध्यक्ष रोशन कंडेल, बाँकेका पुर्व जिल्ला अध्यक्षहरु सन्जय थापा, भुपाल गिरी, सुर्य प्रकाश श्रेष्ठ, क्यान बाँकेका बरिष्ठ उपाध्यक्ष शिशिर नारायण श्रेष्ठ लगायतको उपस्थिति रहेको थियो ।
Discussion about this post