एकेन्द्र चन्द
डोटी फागुन २४ गते । बिहीबार रातिदेखिको मौसममा आएको परिवर्तनका कारण सुदूरपश्चिम प्रदेशको पहाडी जिल्ला डोटी सदरमुकाम सिलगढीका डाँडा काडामा शुक्रवार रातिदेखि बाक्लो हिमपात भएको छ ।
डोटीसहित यहाँका अन्य पहाडी जिल्ला बझाङ, बाजुरा, अछाम तथा डडेलधुराका उच्च लेकाली क्षेत्रमा हिमपात भएको सुदूरपश्चिम प्रदेश प्रहरी कार्यालय दिपायलको प्रहरी सञ्चार शाखाले जनाएको छ । हिमपातका कारण सुदूरका पहाडी तथा हिमाली क्षेत्रको जनजीवन प्रभावित बनेको छ । डोटीमा परेको यो सातौँ पटकको भएको हो ।
सुदूरपश्चिमको प्रमुख पर्यटकीयस्थल खप्तडमा मात्रै कम्तीमा दुई फुट हिमपात भएको छ भने । डोटीको खप्तडस्थित झिग्राना, पानीखाल, शिखर, गोवडालेक, बडीकेदारथान, नापानी, मुस्ताल लगायतका क्षेत्रमा हिमपात भई चिसो बढेकाले गाईबस्तु चराउन समस्या भएको स्थानीयले जनाएका छन् । यद्धपी खेतबारीमा पर्याप्त पानी परेको भन्दै किसान भने हर्षित भएका छन् ।
Discussion about this post