खोजखबर संवाददाता
बाँके साउन ५ गते । नेपाल प्रहरीको जमुनाह इलाका प्रहरी चोकीमा हालै मात्र सरुवा भई आएका इन्चार्ज एवम् प्रहरी सहायक निरीक्षक माधब रिजालले ठूलो मात्रामा लागू औषध ब्राउन सुगर गरि फटको मारेका छन ।
नेपालगञ्ज उपमहानगरपालिका वडा नम्बर १२ बेलासपुर बस्ने २७ वर्षीय उपेन्द्र कुमार चौधरीलाई ५० ग्राम लागु औषध ब्राउन सुगरसहित प्रहरीले आइतबार पक्राउ गरेकाे हाे ।
नेपालगगञ्ज जमुनाहमा प्रहरीले चेकजाँचको क्रममा चौधरीले सेतो प्लास्टिक भित्र राखेर ५० ग्राम लागु औषध ब्राउन सुगर यु.पि २१ ए.के ६३९८ नम्बर प्लेटको मोटरसाइकलमा लुकाइ छिपाई ल्याउदै गर्दा पक्राउ गरेको इलाका प्रहरी कार्यालय जमुनाहका प्रहरी निरीक्षक रिजालले बताउनुभयो ।
रिजालका अनुसार दिउसो साढे २ बजे भारतको रुपैडियाबाट ल्याउदै गरेको अबस्थामा चेकजाँचका क्रममा फेलापरेको बताउनुभएको छ । चौधरीको साथबाट ९१०० भारतिय रुपैयाँ र १ सय अमेरिकी डलर १ थान तथा २ थान मोवाइल सिम समेत बरामद गरेको प्रहरी निरीक्षक रिजालले बताउनुभयो ।
Discussion about this post