खोजखबर संवाददाता
बाँके साउन ९ गते । नेपालगञ्ज उपमहानगरपालिका वडा – १८ ले सामाजिक सुरक्षा भत्ता प्राप्त गर्ने जेष्ठ नागरिक र अपाङ्गको सहजताका लागि वडा कार्यालयबाटै सामाजिक सुरक्षाभत्ता वितरण सुरु गरेको हो ।उपमहानगरपालिकाले सामाजिक सुरक्षा भत्ता बैङ्कमा जम्मा गरिदिने भएपनि आफुहरुले खाता संचालन भएको सेञ्चुरी बैङ्कसँग समन्वय गरि वडा कार्यालयबाटै वितरण गरेको वडा अध्यक्ष दिपक वर्माले बताए । बिहिवारदेखि सुरु भएको भत्ता वितरण कार्य शुक्रबारसम्म चल्नेछ । वडा अध्यक्ष बर्माका अनुसार वडाभित्र सामाजिक सुरक्षाभत्ता पाउनेमा जेष्ठ नागरिक दलित ८०, अन्य जेष्ठ नागरिक १६६, एकल महिला २८३, पुर्ण अपाङ्ग १४, आंशिक अपाङ्ग १६, दलित बालबालिका १६९ गरि जम्मा ७२८ जना रहेका छन् । सामाजिक सुरक्षा भत्ता वितरणका लागि सेञ्चुरी बैंङ्कले मेनुका शर्मा सहित दुईजना कर्मचारीलाई वडा कार्यालयमै खटाएको छ । वडा सदस्य दिग्विजय ढुंगानाले सामाजिक सुरक्षाभत्ता पाउनेको सहजताका लागि जनप्रतिनिधीले सहजिकरण गरेको बताएका छन ।
Discussion about this post