बाँके बैशाख ९ गते । नेपाल कम्युनिष्ट पार्टी (नेकपा)क्षेत्र नम्बर ३ ले आज बैजनाथ गाउँपालिकालाई राहत स्वरुप पाँच सय बोरा चामल हस्तान्तरण गरेको छ ।बिश्वभर महामारिको रुपमा फैलिएको कोरोना बाट प्रभावित विपन्न बर्गका परिवारको लागी केहि रातह होस भनेर नेकपाले चामल दिएको जनाएको छ ।
राहत वितरण व्यवस्थापन समिती संयोजक एवम् पुर्वसिंचाइ राज्य मन्त्री दलबहादुर सुनारले नेकपा को चैत्र १६ गते बसेको बैठकको निर्णय अनुशार आफुहरु निरन्तर कोरोना विरुद्धको अभियानमा लागेको बताए । बिश्वका शक्तिशाली राष्ट्रहरुले यसरोगको सामना गर्न नसेकेको बेला हामिले नि यसको सामना गर्न नसक्ने हुनाले सरकारले लगाएको लकडाउनको पुर्ण पालन गर्न र गराउनको लागी नेकपा पार्टीका सबै सदस्य कार्यकर्तालाइ अभियानमा खटिएको र खटाएको हो उनले भने ।
उनले पार्टीको निर्णय अनुरुप भारतबाट र तेस्रो मुलुकबाट आएका जो कोहिलाई पनि नियम पुर्वक क्वारेन्टाइनमा बस्न लगाउने र यदि कोहि बस्न नमानेर लुकेको भए उनिहरुलाई खोज्न पार्टीका कार्यकर्ता परिचालन गर्ने गरिएको उनले बताए । सरकारले लगाएको नियमको पालना गर्दै आफ्नो पालिका भित्र भएका गरिब तथा विपन्न परिवारलाई राम्रो सङ्ग छनौट गरेर बिना भेदभाव राहत हस्तान्तरण गर्न पालिका अध्यक्ष मानबहादुर रुचाललाई आग्रह समेत गरेका छ्न।यसै गरि बैजनाथ गाउँपाकिका अध्यक्ष रुचालले नेकपाले गरेको यस कार्यले दुखि र गरिब परिवारको दुखेको घाउमा मलम पट्टीको काम गर्ने गरेको बताए । अहिले को अवस्था भनेको तेरो मेरो नभनी एक आपसमा सहयोग गर्नु पर्ने अवस्था हो उनले भने ।राहत हस्तान्तरण कार्यक्रममा गाउँपालिका उपाध्यक्ष वडा अध्यक्ष लगाएत नेकपा का जिल्ला तहका नेताहरुको उपस्थिति रहेको थियो।
Discussion about this post