बाँके बैशाख २८ गते ।
बाँके प्रशासनले चारघण्टाका लागि निषेधाज्ञा हटाएपछि नेपालगन्जका अधिकांश बैंक परिसर क्षेत्रमा मानिसको भीडभाड बढेको छ ।
बैंकहरुले आफ्नो ग्राहकलाई सेनिटाइजसंगै टोकन र पालैपालो भित्र पस्न दिए पनि बैंक बाहिर भने सयौंको संख्यामा भिड लाग्ने गरेको हो ।
बैंक बाहिर रहेको भिडमा न सामाजिक दुरिको पालन गरिएको छ न त भिडलाई ब्यवस्थापन नै गरिएको देखिन्छ । जस्का कारण कोरोनाको जोखिम बढेको छ ।
कोरोनाको उच्च जोखिममा रहेको नेपालगन्जमा हाल सम्म २४ कोरोना पोजेटिभ पुष्टि भैसकेको छ ।
कोरोनाको ईपिसेन्टर बनेको अवस्थामा अझै ठूलो दायरामा प्रशासनले कोरोना चेकजाँचको रणनीति लिदै गैरहेको बेला बैंक तथा बित्तीय संघसंस्थाहरुकोे अगाडी यसरी ठूलो मात्रामा सामाजिक दुरि उलंघन हुँदा जोखिम झन बढेको छ ।
बैंकहरुले भित्रि व्यवस्थापन गरेपनि बाहिर व्यवस्थापन भने गर्न नसकेकोमा ग्राहकहरुले समेत चिन्ता व्यक्त गरेका छन् । एकजना ग्राहक भन्दै थिए, ‘पैसाको आवश्यकता परेर बैंकमा आए, यहाँको भीडभाड देखेर पैसा होइन् कोरोना लिन आएजस्तो पो भयो, डर लागिरहेको छ ।’
बाँकेका अधिकांश बैंकले सामाजिक दूरी कायम गराउतर्फ चासो दिएका छैनन् । पैसा निकाल्ने काउण्टरमा सुरक्षा रणनीति अवलम्वन गरेर मात्र हुंदैन ग्राहकहरु भन्छन् ‘बैंक बाहिरपनि त्यसको व्यवस्थापन गरिनु पर्छ ।’
बैंक परिसरमा भिडभाड बढेपछि कतिपय ठाउँमा प्रहरीले सेवाग्राहीहरुलाई तितिरवितिर पार्ने काम गरेको देख्न सकिन्थ्यो ।
अधिकांश बैंक नेपालगन्जको सुुर्खेतरोडमा रहेका छन् । त्रिभुवन चोक र न्यूरोडमा रहेका ठूला बैंकका शाखाहरुमा पनि मानिसहरुको त्यस्तै भिडभाड छ । जहाँ सामाजिक दुरी कायम गरिएको छैन् ।
Discussion about this post