खोजखबर संवाददाता
बाँके भदौ ९ गते । नेपालगञ्ज उपमहानगरपालिकाका मेयर डा. धवलशम्शेर राणाले नर्सिङ क्याम्पसमा नेपालगञ्जका विद्यार्थीका लागि निश्चित् कोटा निर्धारण गर्न प्रस्ताव गरेका छन् । त्रिभुवन विश्व विद्यालयको आंगिक क्याम्पसको रुपमा रहेको नर्सिङ क्याम्पसमा सोमवार पुगेका मेयर राणाले बर्षौदेखि सञ्चालनमा रहेको क्याम्पसमा नेपालगञ्जका विद्यार्थीका लागि निश्चित् कोटा निर्धारण गर्न प्रस्ताव गरेका हुन् । भेटघाटमा क्याम्पस प्रमुख अम्बिका चन्दले नेपालगञ्जका विद्यार्थीका लागि निश्चित् कोटा दिने सम्बन्धमा केन्द्रमा कुरा राख्ने विश्वास दिलाए । करीब ५० बर्षअघि निर्माण भएको क्याम्पसको भवन तथा छात्राबास जीर्ण भएको भन्दै उनले नयाँ भवन निर्माणका लागि मेयर राणा समक्ष आग्रह गरे । जीर्ण भवनमा पानी चुहिने अवस्थामा विद्यार्थीहरु बस्नुपरेको प्रमुख चन्दको आग्रहलाई गम्भीररुपमा लिँदै मेयर राणाले आफुले सक्दो सहयोग गर्ने आश्वासन दिए ।
Discussion about this post