कैलाली साउन १४ गते ।
गएराती देखिको लगातार वर्षाका कारण कैलालीका दर्जर्नौ गाउँहरु डुबानमा परेका छ्न । लगातार परेको पानीका कारण बाढी गाउँमा पस्दा सैयौ नागरिक बिचल्लीमा परेका छ्न ।
बाढी र डुबानका कारण कैलालीको सबभन्दा बढी भजनी नगरपालिका,टीकापुर नगरपालिका ,जोशीपुर गाउँपालिका लगाएतका क्षेत्र बढी प्रभावित बनेका छ्न ।
यहाँका कान्द्रा, काडा र पथरैया नदीमा पानीको बहाव बढेपछि कैलालीको भजनी र जोशीपुरका विभिन्न बस्ती डुबानमा परेको स्थानीयले बताएका छ्न । काडा नदीमा आएको बाढी गाउँमा पसेपछि भजनी नगरपालिकाका दर्जनौ घरमा बाढी पसेको स्थानीयले बताएका छन् ।
यसैगरी बर्दगोरिया गाउँपालिका र लम्कीचुहा नगरपालिकाका केही वडाहरुमा पनि लगातारको वर्षाका कारण जलमग्न बनेका छ्न भने थुप्रै घरमा बाढी पसेको छ ।
यता जिल्ला प्रहरी कार्यालय कैलालीका अनुसार जोशीपुरमा काडा नदी गाउँ परेपछि २५ घर डुवानमा परेका छन्। उनीहरुलाई सुरक्षित स्थानमा सारिएको छ ।भने पथरैया नदी गाउँ पसेपछि जोशीपुरका ९ घर डुवानमा परेका छन्।
लगातारको बर्षाको कारण बाढिका कारण डुबान र कटान बढ्न लागेको ले त्यहाँका सर्वसाधारणको जिउधनको सुरक्षाको लागि उच्छ सतर्कता अपनाउनको लागि जिल्ला प्रहरी कार्यलयले स्थानियलाई अनुरोध गरेको छ र आफुहरुको टोलि पनि आपतकालीन अवस्थाको लागि तयारिमै रहेको जानकारी गराएको छ।
Discussion about this post