बाँके साउन २४ गते ।
बाँके शनिबार थप ३ जना कोरोना संक्रमित निको भएर डिस्चार्ज भएका छन । स्वास्थ्य कार्यालय बाँकेका फोकल पर्सन नरेश श्रेष्ठका अनुसार, आइसोलेसन सेन्टर आदर्शनगर नेपालगन्जबाट नेपालगन्जका ११ का ३९ बर्षिय पुरुष, सुशील कोइराला प्रखर क्यान्सर अस्पताल खजुराबाट नेपालगन्ज १२ का १९ बर्षिया महिला र आइसोलेसन सेन्टर आन्तरिक राजस्व कार्यालयबाट गोठिचौर २ जुम्लाका ३३ बर्षिय पुरुष रहेका छन ।
आज कोरोना मुक्त भएकाहरु जुम्लाका ३३ बर्षिय पुरुष आन्तरिक राजस्व कार्यालय नेपालगन्जमा कार्यरत कर अधिकृत हुन । नेपालगन्ज ११ का ३९ बर्षिय पुरुष त्रिभुवन चोकमा मिठाई पसल गर्ने पसले र नेपालगन्ज १२ का १९ बर्षिया महिला बर्दिया बासगढी घर भइ नेपालगन्ज बसेर दैनिक ज्यालादारी काम गर्ने मजदुर भएको फोकल पर्सन श्रेष्ठले जानकारी दिए ।यो सङ्गै बाँकेमा कोरोना मुक्त भइ घर जानेको संख्या ४ सय १ पुगेको छ ।
अब विभिन्न आइसोलेसनमा १५० बाहिरी जिल्लाका ४ जना समेत जना संक्रमितको उपचार भइ रहेको स्वास्थ्य कार्यालयले जनाएको छ ।जिल्लाका हालसम्म ५ सय ४९ जनामा कोरोना संक्रमण पुष्टि भएको छ भने २ जनाको ज्यान गइ सकेको छ ।
Discussion about this post