उच्च सावधानीका साथ दातको नियमित उपचार

बाँके साउन २५ गते ।
कोरोनाको महामारीमा अस्पतालहरुले स्वास्थ्य सजकता अपनाएर सेवा दिइरहेका छन् । नेपालगन्जको गणपति डेन्टल क्लिनिकले पनि उच्च सावधानी र सतर्कता अपनाएर सेवा दिइरहेको छ । उपचार गर्न आउनेलाई पनि उत्तिकै सावधानी पूर्वक सेवा दिने गरिएको क्लिनिक सञ्चालक समेत रहेका डा.प्रतिक श्रेष्ठले बताउनुभयो ।

क्लिनिकमा आउने विरामीलाई सुरुमै हेन्डवास गराउँछौ डा.श्रेष्ठले भन्नुभयो, त्यसपछि भित्र प्रवेश गरेपछि तापक्रम मापन गरेर मात्र उहाँको उपचार प्रक्रिया सुरु हुन्छ । सबै चिकित्सकहरुले पिपिइ लगाएर उपचार गर्नेदेखि क्लिनिकलाई नै सेनिटाइज गर्ने गरिएको उहाँले बताउनुभयो ।

अक्सिजन लेभल कम भएका विरामीको क्लिनिकमा उपचार नहुने उहाँले स्पष्ट पार्नुभयो । उहाँले लक्षण नदेखिएका विरामीहरुलाई उच्च सावधानीका साथ उपचार गर्ने गरिएको जानकारी दिनुभएको छ। पछिल्लो चरणमा विरामीको चाप घटेको छ ।

किनभने कोरोनाको महामारी र त्रासका कारण विरामीहरु अस्पताल आउनेक्रम नै घटेका बेला दातका विरामीहरु पनि क्लिनिक पुग्नेक्रम घटेको हो। दाँतको उपचार जोखिमपूर्ण छ,भाइरसको समेत संक्रमण मुखबाटै सर्ने भएकाले यो जोखिमपूर्ण मानिन्छ । त्यसैले पनि उच्च सावधानी अपनाउनु पर्ने अवस्था छ ।