डोटि साउन २८ गते ।
डोटी । कैलालीको धनगढीबाट अछाम लागि छुटेको बस डोटीको पूर्वीचौकी गाउँपालिका १ फुलोटमा दुर्घटनामा परेको छ ।दुर्घटना हुँदा तीन जनाको मृत्यु भएको छ ।
भारतबाट आएकाहरुलाई बोकेर कैलालीको धनगढीबाट अछामतर्फ गइरहेको ना ६ ख २५२९ नं. को बस बुधवार बिहान करिब ५:३० वजे दुर्घटना भएको हो । दुर्घटनामा परि तीन जनाको मृत्यु भएको जिल्ला प्रहरी कार्यालय डोटीका प्रहरी निरीक्षक कर्णबहादुर बोहराले जानकारी दिए । मृतकको अझै सनाखत हुन सकेको छैन ।
बोहराका अनुसार दुर्घटनामा ३१ जना घाइते भएका छन् । घाइतेहरुलाई उपचारका लागि जिल्ला अस्पताल डोटी पठाइएको प्रहरी निरीक्षक वोहराले बताए ।
उनले घाइतेहरुमध्ये केहीको अवस्था गम्भिर रहेको समेत जानकारी दिए । उनले भने, ‘घाइतेहरुको उद्धार गरी अस्पताल पठाएका छौं, केहीको अवस्था गम्भिर देखिएको छ ।’घटनास्थलमा प्रहरी उपरीक्षक जनकराज पाण्डे नेतृत्वको प्रहरी टोली र स्थानीयवासी उद्धारका लागि बिहानै देखि खटिएको बताएका छन् ।
Discussion about this post