बाँके साउन २८ गते ।
गएरातीको भारी बर्षाले नेपालगन्जका अधिकांश भाग डुवानमा परेका छन् । गगनगंज, रानीतलाउ, न्यूरोडलगायतको क्षेत्र जलमग्न भएका छन् । नेपालगन्ज उपमहानगरपालिको ५ र ७ नम्वर वडासँग जोडिएका क्षेत्र डुवानमा परेका छन् ।
वडा नम्वर पाँचका अध्यक्ष कैफुलवरा जोलाह र वडा नम्वर ७ का वडअध्यक्ष जुम्मन खाँको लापरवाहीका कारण वडा टोल डुवानमा परेको भन्दै स्थानीय रुष्ट भएका छन् । एक स्थानीयले भने, वडाअध्यक्ष खाँलाई स्कुटीमा वडाअध्यक्ष लेखेर हिड्न ठिक छ कहाँ टोलको चिन्ता छ ? उनकै बर्षाले होइ्न उनकै कारणले टोल डुवानमा परेको ती स्थानीयको बुझाइ छ ।
समयमै नाला र ढल निकासको काम नगरेका कारण टोल डुवानमा परेर स्थानीयको विचल्ली पारेको उनले आरोप लगाए । भोट नदिएकै कारण टोलमा नाला र ढल निकासको काम नगरिएको वडाअध्यक्ष बताउने गरेको स्थानीय बताउँछन ।
समस्या समाधानका लागि अध्यक्षलाई भन्यो अध्यक्षले सिधै भोट नदिने टोलमा विकास गर्दिन भन्नुहुन्छ स्थानीयले भने हामीलाई कस्ले न्याय दिन्छ ? डुवानका कारण घरभित्र सर्प, विच्छीलगायतको जोखिम समेत बढेको छ । डुवान समस्या सम्वोधनका लागि हस्ताक्षर गरेर अध्यक्षलाई बुझाएपनि आफुलाई भोट नदिएको भन्दै उनले वास्तै नगरेको स्थानीयबासीको आरोप छ ।
समयमै नाली निर्माण नहुँदा डुवानबाट समस्या झेल्न परेको स्थानीयको गुनासो छ । रातभर बर्षाका कारण बाँकेको राप्ती नदि र डुडुवा खोलाको सतह बढ्ने भएकोले सचेत रहन जिल्ला प्रशासन कार्यालय बाँकेले आग्रह गरेको छ । रातभर वर्षका कारण बाँकेका होचा स्थानमा डुवान हुनसक्ने सम्भावना देखिएको छ ।
Discussion about this post