बाँके साउन २८ गते ।
बाँकेमा थप १० जनामा कोरोना भाइरस संक्रमण पुष्टि भएको छ ।
भेरी अस्पताल नेपालगन्जको प्रयोगशालमा गरिएको पीसीआर परीक्षणमा नेपालगन्ज उपमहानगरपालिका र कोहलपुर नगरपालिकाका चार–चारजना र खजुरा गाउँपालिकाका दुई गरी १० जनामा भाइरस संक्रमण पुष्टि भएको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो ।
उहाँका अनुसार, नेपालगन्ज उपमहानगरपालिका वडा नं. २ का तीनजना र वडा नं. १८ का एकजना, खजुरा गाउँपालिका वडा नं.४ र ६ का दुई जना र अरु चारजना कोहलपुरनगरपालिका कौशिल्यानगरका हुन् । योसँगै बाँकेमा कुल संक्रमितको संख्या ६ सय ६७ पुगेको छ ।
संक्रमितमध्ये अहिलेसम्म चारसय पाँच जना उपचारपछि घर फर्किएका छन् । बाँकेमा कोरोना संक्रमणबाट दुईमहिलासहित तीन जनाको मृत्यु भएको छ ।
ADVERTISEMENT
Discussion about this post