बाँके साउन २९ गते ।
नेपालगन्ज वडा प्रहरी कार्यालयलाई नेपालगन्जका २३ वटै वडाको सुरक्षा जिम्मा छ । त्यसैअनुसार नगरको सुरक्षा पनि गर्दै आएको छ । तर कोरोना महामारीका कारण वडाका इन्चार्जसहित ३८ जना संक्रमित भए । अहिले वडा कार्यालयलाई नै आइसोलेसन बनाएर उनीहरु त्यही बसेका छन् ।
उनीहरुलाई अहिले बाहिर सुरक्षाको चिन्ता र चासो खासै छैन् । तर आफु कसरी स्वस्थ हुने भन्ने चिन्ता छ । नागरिकको सुरक्षाका लागि अहोरात्र खटिने उनीहरु हिंजोआज आइसोलेसनमा बस्दाका दिन कसरी वितिरहेका होलान ? वडा प्रहरी कार्यालयका इन्चार्ज हरि बस्नेत भन्छन् ‘साँझ विहान ब्याटमिन्टन खेल्छौं ।
र बचेको समयमा अध्ययनको काम पनि चलिरहेको छ ।’ पछिल्लो समय कोरोना भाइरसका कारण बाँकेमा सबैभन्दा बढी संक्रमित हुने सरकारी कार्यालयमा वडा प्रहरी कार्यालय पर्छ । ५७ जनाको दरवन्दी रहेको यो कार्यालयका ३८ जना कोरोना भाइरसको संक्रमणमा परेका छन् ।
नेपालगन्ज उपमहानगरपालिका र आन्तरिक राजश्व कार्यालयका कर्मचारी पनि संक्रमणको चपेटमा छन् । त्यहाँका कर्मचारीहरु भने कोरोना भाइरसको संक्रमणबाट मुक्त हुँदै गएका छन् ।
Discussion about this post