खोजखबर संवाददाता
बाँके भदौ १५ गते । प्रदेश न ५ को समाजिक बिकास मन्त्रालयले प्रदेशभरी संचालनमा रहेका मदरसा, गुरुकुल र गुम्बा लगगायतका धार्मिक विद्यालयहरुलाई अनुदान उपलब्ध गराउने कार्यक्रम रहेकोले बिस्तृत विवरणसहित प्रदेश पाँचको शिक्षा निर्देशनालयमा प्रस्ताव पेश गर्न आग्रह गरेको छ ।
शिक्षा निर्देशनालयले प्रकाशित गरेको सूचनामा आगामी महिनाको ६ गते भित्र प्रदेश भित्र संचालनमा रहेका मदरसा, गुरुकुल र गुम्बााहरु लगायत धार्मिक विद्यालयहरुले विद्यालयहरुको कार्यक्रमको विस्तृत विवरण र कार्ययोजना निर्माण गरी व्यवस्थापन समितिको निर्णय सहित निर्देशनालयले तयार गरेको फारम भरेर पठाउन आग्रह गरिएको छ ।
प्रस्तावनाको साथमा गत आर्थिक बर्षको सामाजिक परिक्षण प्रतिवेदन र लेखा परिक्षण प्रतिवेदन अनिवार्य पेश गर्न आग्रह गरिएको छ ।
बाँके र बर्दिया जिल्लाको जिल्ला शिक्षा कार्यलयबाट दर्ता भइ अनुमती लिएका सबै धर्मिक मदरसा र बिद्यालयहरुले प्रदेशसभाका सभासद सुरेन्द्र हमाल र याकुब अन्सारी तथा उहाँहरुका निजि सचिव मो फैयाज अन्सारी र पर्नेल सिंह हमालका साथै सहयोगी समाजसेवी मो सब्बिर अन्सारी समेतलार्ई प्रस्तावना बुझाउन सक्ने बताइएको छ ।
Discussion about this post