वीरगञ्ज भदौ १ गते ।
पर्साको पाेखरिया नगरपालिकाका मेयर दिपनारायण राैनियारसहित ३३ जनामा काेराेना सङ्क्रमण पुष्टि भएकाे छ । काठमाडौँ स्थित टेकु प्रयोशालामा वीरगञ्जबाट पठाईएको स्वाबको नमूनालाई पिसिआर प्रविधि मार्फत परिक्षण गर्दा मेयर राैनियारसहित ३३ जना काेराेना सङ्क्रमण पुष्टि भएको जिल्ला जनस्वास्थ्य कार्यालय पर्साका जयमोद ठाकुरले जानकारी दिए ।
साउन २६ गते मेयर राैनियारसहित ३४ जनाकाे स्वाब संकलन गरि पिसिआर परिक्षणकाे लागि टेकु पठाइएको थियो । टेकु प्रयोशालाले आइतबार नतिजा पठाउँदा ३३ जनामा सङ्क्रमण देखिएको ठाकुरले बताए ।
काेराेना सङ्क्रमित हुनेमा मेयर राैनियार, वडा नं. ४ का वडा अध्यक्ष लक्ष्मण साह कानु, पाेखरिया अस्पतालका मेडिकल सुपरिटेन्डेन्ट डा. अनिल यादव, अस्पतालका अन्य २ चिक्तिसक, २ नर्ससहित ४ जना स्वास्थ्यकर्मी रहेका छन् । पाेखरियाका एक जना पत्रकार पनि काेराेना संक्रमित भएका छन् ।
यस्तै मेयर राैनियारका परिवारका सबै सदस्यसहित स्वकिय सचिव राजु राैनियार र सवारी चालक पनि सङ्क्रमित भएका छन । मेयर राैनियारलाई ज्वराे र रुघाखोकी लागेपछि उनले स-परिवारको कोरोना परिक्षण गराउँन स्वाब जम्मा गराएका थिए ।मेयर रौनियारको स्वास्थ्य अवस्था ठिक रहेको छ । उनले आफ्नो ज्वरो र रुगाखोकी समेत ठिक भएको जानकारी दिएका छन् ।
Discussion about this post