बाँके भदौ ३ गते ।
बाँकेमा स्वास्थ्य सुरक्षा मापदण्ड पुरा नगरि व्यवसाय गर्नेलाई कारवाही गरिने भएको छ । यस्तो कारवाही व्यवसायीका लागि महंगो पर्न सक्ने छ । बाँकेका प्रमुख जिल्ला अधिकारी रामबहादुर कुरुम्वाङले मापदण्ड पुरा नगरेका पसललाई बन्द गरिने चेतावनी दिनुभएको छ ।
स्थलगतरुपमा स्वास्थ्य सम्वन्धि मापदण्ड पुरा नगर्ने पसललाई कारवाही स्वरुप सात दिन पसल बन्द गरिने उहाँको भनाइ छ । आज बाँकेमा पैदल अनुगमनकर्ताहरुले पसलहरुको फोटो खिच्ने छन् उहाँले भन्नुभयो–‘स्वास्थ्य सम्वन्धी मापदण्ड पुरा नगरे सात दिन बन्द गरिने छ ।’
पसलमा भौतिक दुरी कायम गर्न डोरी लगाउनु पर्ने, सेनिटाइजर राख्नु पर्ने, मास्क लगाउनु पर्ने र मास्क लगाएर आएका ग्राहकलाई मात्र सेवा दिनु पर्ने स्वास्थ्य सम्वन्धी मापदण्ड बनाइएको छ ।
ADVERTISEMENT
Discussion about this post