बाँके भदौ ४ गते ।
नेपालगन्जकि उपमेयर उमा थापा मगरले उपमहानगरपालिकाको तर्फबाट एक सूचना जारी गर्दै आज नेपाली महिलाहरुको महान पर्व हरितालिका तिज–२०७७ को पावन अवसरमा सम्पूर्ण आमा तथा दिदिबहिनीहरुमा हार्दिक मंगलमय शुभकामना व्यक्त गरेकि छिन् ।
वर्ष दिनमा एक पटक आउने यो पर्व यस वर्ष कोभिड–१९ को महामारीका कारण हरेक वर्ष झै दिदीबहिनी भेला भएर एकै ठाउँमा बसेर विभिन्न कार्यक्रम गरेर हर्षोउल्लासका साथ मनाउन नपाउदा दुख व्यक्त गर्दै उपमेयर थापाले २०७७ सालको तिजको अवसरमा गरिने जमघट, भेला र पुजा आज घर भित्र नै सुरक्षित भएर मनाउन सम्पूर्ण
दिदिबहिनीहरुमा हार्दिक अनुरोध समेत गरेकी छिन् ।
उनले तिज एउटा संस्कार मात्र नभई सभ्यता हो, परम्परा र पहिचानका साथै महिला दिदि बहिनीहरुका लागि वर्ष दिनको दुःख बिसाउने पर्व पनि हो । यो महत्वपूर्ण अवसरलाई धुमधामसंग मनाउने हाम्रो इच्छा, चाहना हुँदा हुँदै पनि यस वर्ष विश्व महामारीको रुपमा फैलिएको कोरोना
संक्रमणका कारण मनाउन नसकिने यो विषम परिस्थितीमा हामि दिदिबिहीनीको संयमता, साथ र सहयोग एकदमै जरुरी छ ।
तपाई हामि बाँचे आउने वर्षहरुमा यो पर्वलाई धुमधाम संग मनाउने अवसर हामिले पाउने नै छौ भन्दै उनले यो वर्ष आफ्नो घर परिवारको बिचमा रहि यो पर्व रमाईलो गरि मनाउन अनुरोध गर्दै भौतिक दुरी, अनिवार्य मास्कको प्रयोग र पटक पटक साबुन पानीले हात धुने लगायतका कार्यलाई आफुले पनि पालना गर्ने र अरुलाई पनि पालना गर्न सिकाउने कार्यमा सहयोग गर्नका लागि अपिल गर्दै उनले हरितालिका तिजको शुभकामना व्यक्त गरेकी छिन् ।
Discussion about this post