बाँके भदौ ९ गते ।
पश्चिम नेपालको प्रमुखमध्येको एक नेपालगन्ज भन्सार कार्यालयले पछिल्लो समय राजश्व बढेको जनाएको छ । नाकामा गरिएको कडाई, उद्योग कलकारखानाको चलायमानपछि क्रमसमा राजश्व बढेको हो । त्यसको पुष्ट्याइ बाँकेका सिडिओले पनि गरे ।
सिडीओ रामबहादुर कुरुम्बाङ्गले सामाजिक सन्जालमा पोष्ट गरे–‘नेपालगन्जको आफ्नो २ बर्षको कार्यकालको २३ महिनामा कपडामा संकलन हुन नसकेको भन्सार महसुल साउनमा मात्रै ७ करोड संकलन भएको छ– भन्सार चिफ शान्तीराम निरौला ।’
अवैध गतिविधिलाई निरुत्साहीत गरेसँगै राजश्व बढेको हो । क्यारियर मार्फत रुपैडियाबाट चोर नाका मात्र कहाँ हो र ? मुख्य नाकाबाटै कपडा भित्रिन्थ्यो । त्यसरी कपडा भित्रा्उने क्यारिएर कहिल्यै पक्राउ परिहाले भने पनि त्यो कपडा कुन तहसम्मका व्यवसायीको गोदाम पुग्थ्यो भन्ने कहिल्यै खुल्दैन थियो ।
यसरी नै अवैध धन्दाको चक्र चलिरहन्थ्यो । तर लकडाउन भएपछि अवैध गतिविधिमा आंशिकरुपमा घटेको पाइन्छ । कपडा जस्ता सामान मुख्य नाकाबाटै आउँदा भन्सार राजश्व बृद्धि भएको हो । नेपालगन्ज भन्सार कार्यालयका प्रमुख निरौलाले चुहावट नियन्त्रण भएपछि राजशव बढेको बताए ।
कच्चा पदार्थको आयात र चुहावट नियन्त्रण भएपछि गत साउन महिनाको राजश्व असुली पनि सन्तोषजनक भएको प्रमुख भन्सार अधिकृत शान्तीराम निरौलाले बताए । उनका अनुसार,९४ करोड लक्ष्य तोकिएकोमा रु १ अर्व ६८ करोड राजश्व संकलन भएको छ ।
Discussion about this post